Ūlytau oblysynda bılım beru infraqūrylymyn damytu aiasynda bırqatar jaŋa mektepter men balabaqşalar salu josparlanuda. Būl turaly tamyz pedagogikalyq konferensiiasynda Ūlytau oblysynyŋ äkımı Eset Baiken aitty.
Öŋır basşysynyŋ aituynşa, biyl Jezqazǧan qalasynyŋ Batys audanynda 1 000 oryndyq BINOM mektebınıŋ qūrylysy bastalady. Sonymen qatar Jaŋaarqa audanynda 600 oryndyq, Tügısken auylynda 300 oryndyq, Jezqazǧan qalasynda 900 oryndyq jäne Sätbaev qalasynda 600 oryndyq mektep salu josparlanǧan.
Būdan bölek ūldarǧa jäne qyzdarǧa arnalǧan «Bılım-innovasiia» mamandandyrylǧan liseilerı internat-jataqhanalarymen bırge salynady.
Öŋırde Nazarbaev Ziiatkerlık mektebın aşu da josparlanyp otyr.
Mektepke deiıngı bılım beru infraqūrylymy da keŋeitıledı. Jezqazǧan qalasynyŋ Keŋgır auylynda 320 oryndyq, Sätbaev qalasynda 280 oryndyq jaŋa balabaqşalardyŋ qūrylysy bastalady.
Sondai-aq jaŋa oqu jylynda Qarajal qalasynda jäne Jaŋaarqa audanynyŋ Manadyr stansiiasynda jaŋa mektepter paidalanuǧa berıledı.
Jaŋa bılım beru nysandary oquşy oryndarynyŋ tapşylyǧyn azaityp, balalardyŋ sapaly bılım aluyna zamanaui jaǧdai jasauǧa mümkındık beredı.
