Shymkent qalasy jumyspen qamtý jáne áleýmettik qorǵaý basqarmasynyń «Asyl júrek» ortalyǵynda zeınetkerlerge jaqsy jaǵdaı jasalǵan. Qazirgi tańda onda 80-ge jýyq zeınetkerge tegin qyzmet kórsetilýde.
Kúlaısha Boıtanova ortalyqta em alýshylardyń biri. Kúlaısha Tólegenqyzynyń zeınetke shyqqanyna 7 jyl bolǵan. Ortalyqta jeltoqsan aıynan beri tegin qyzmet túrlerin alýda. 62 jastaǵy zeınetker ortalyqtaǵy kún tártibimen bólisti. Em alýshylar tańerteń kúndelikti dárigerlik tekserýden ótedi. Onda qan qysymy, temperatýra jáne salmaq ólsheý, bel sheńberin dınamıkada baqylaý sekildi jalpy jaǵdaıyn tekseredi.
– Fızıoterapııa emdeý bóliminde belomyrtqa osteohondrozyna «polımag» apparatynda em aldym. Bir aptanyń ishinde belimniń aýyrǵany azaıyp, erkin qımyldaı alatyn boldym. Sondyqtan osy apparattyń em nátıjesi jaqsy ekenine kózim jetti. Ortalyqta kompıýterlik saýattylyq, «Egov» elektrondy úkimet portaly kýrsynda bir jolǵy jasyryn sóz, elektrondyq ıfrlyq qoltańba alý, QR kodpen kirý joldaryn úırendim. Sondaı-aq, ıoga jattyǵýlarynyń da maǵan kóp kómegi tıdi, – deıdi ol.
Ortalyq Shymkent qalasy ákimdiginiń qaýlysymen 2019 jyly 7-shi maýsymda saltanatty túrde ashyldy. Munda kardıolog, terapevt, nevropatolog, fızıo-terapevt dáriger mamandary qyzmet kórsetedi.
Ǵımarat medıınalyq tekserýden ótý aımaǵy, ınternet - kafe (egov.kz «Elektrondy úkimet» portaly), emdik-ýqalaý jáne kınozal, kitaphana, trenajerlyq jáne sportpen shuǵyldaný (ıoga, bı, ústel tennısi, bılıard), sensorlyq kabınet, tilder kýrsy (qazaq tili, aǵylshyn tili, latyn álipbıi), qolónermen jumys jasaý aımaqtarymen jabdyqtalǵan.
Aıta keteıik, «Asyl júrek» belsendi uzaq ómir súrý ortalyǵy jartylaı staıonarlyq jaǵdaıda arnaýly áleýmettik qyzmet kórsetý fýnkııalaryn júzege asyrý maqsatynda qurylǵan.
Shymkent qalasy ákimdiginiń baspasóz qyzmeti
