Premer-ministr Oljas Bektenovtıŋ töraǧalyǧymen ötken Ükımet otyrysynda elımızdegı 7 mln balany qoldauǧa baǧyttalǧan «Qazaqstan balalary» tūjyrymdamasy qaraldy, dep habarlaidy "Adyrna" ūlttyq portaly.
Otyrysta oqu-aǧartu ministrı Jūldyz Süleimenova, densaulyq saqtau ministrı Aqmaral Älnazarova jäne ışkı ıster ministrı Erjan Sädenov baiandama jasady.
Premer-ministrdıŋ aituynşa, tūjyrymdama bılım beru, densaulyq saqtau, qauıpsızdık, äleumettık qamsyzdandyru jäne otbasynyŋ äl-auqaty salasynda balalardyŋ qūqyqtaryn qorǧau boiynşa naqty ıs-şaralardy qamtidy.
Sondai-aq, jaŋa jüie boiynşa 1 aqpannan bastap barlyq bılım beru ūiymdarynda «tosynnan tekseru» qaǧidaty engızıledı. 5 myŋ balaǧa kemınde bır maman taǧaiyndalatyn jaŋa ştattyq normativ engızılıp, öŋırlerde bala qūqyqtaryn qorǧau basqarmalary qūryluda.
Käsıbi otbasyna balalardy ornalastyru täjıribesı engızılıp, qarajat közdelgen, bıraq öŋırlerde ıske asyru baiau jürıp jatyr. Balalardyŋ densaulyǧy men sifrlyq qauıpsızdıgın qamtamasyz etu mäselelerı nazarda bolady, auyl balalarynyŋ zamanaui bılım alu mümkındıgı arttyrylady.
Premer-ministr müddelı memlekettık organdar men äkımdıkterge tūjyrymdamadaǧy ıs-şaralardy sapaly ärı uaqtyly oryndaudy, bala qūqyqtary jönındegı uäkılmen özara ıs-qimyldy küşeitudı, sondai-aq aqparattyq nauqan ūiymdastyrudy tapsyrdy.
Ükımet dauys beru nätijesınde «Qazaqstan balalary» tūjyrymdamasyn bekıtıp, jalpy üilestırudı Premer-ministrdıŋ orynbasary – mädeniet jäne aqparat ministrı Aida Balaevaǧa jüktedı.
