Operaııadan keıin klıenti qaıtys bolǵan almatylyq plastıkalyq hırýrg jazadan qulyp ketti. Sot Dmıtrıı Pısarevti kináli dep tapqanymen, ony bas bostandyǵynan aıyrǵan joq. Óıtkeni qylmystyq istiń merzimi ótip ketipti. Degenmen jábirlenýshi taraptyń materıaldyq shyǵyn ótep berý týraly ótinishi ishinara qanaǵattandyrylyp, hırýrg marqumnyń týystaryna 8 mıllıon teńge ótep berýge mindetteldi. Bul týraly «Adyrna» ulttyq portaly «Eýrazııa» birinshi arnasyna silteme jasap habarlaıdy.
«Pısarev Dmıtrıı Qylmystyq kodekstiń 317-baby 3-tarmaǵy boıynsha kináli dep tanylsyn. Eskirý merziminiń ótýine baılanysty qylmystyq jaýaptylyqtan bosatylsyn. Eshqaıda ketpeý týraly sharanyń kúshi joıylsyn», - deıdi Bostandyq aýdandyq sotynyń sýlıasy Roman Selıkıı.
Esterińizge sala ketsek, qaıǵyly oqıǵa 2018 jyldyń qazan aıynda bolǵan edi. Dmıtrıı Pısarev bortserik bolyp jumys istegen Laýra Izbasarovanyń keýdesine ota jasap jatqan kezde onyń jaǵdaıy nasharlap, komaǵa túsken. Sodan keıin qaıtys boldy. Dárigerge óziniń kásibı mindettin durys atqarmady degen aıyp taǵylǵan bolatyn.
Aıta ketý kerek, bul Pısarevtiń qyzmetindegi mundaı birinshi qaıǵyly jaǵdaı emes. Budan úsh jarym jyl buryn ol Ýkraınadan Almatyǵa lıposakııa jasatý úshin kelgen 33 jastaǵy áıeldiń ólimine kináli dep tanylǵan edi. Ol kezde de hırýrg qylmystyq istiń merziminiń ótip ketýine baılanysty túrmege otyrmaǵan edi.
"Adyrna" ulttyq portaly
