Kastraııa: Shymkentte pedofılder densaýlyqtarynyń nasharlaǵanyna shaǵymdandy

3591
Adyrna.kz Telegram

Shymkentte jas balalarǵa qatysty jynystyq qylmys jasaǵany úshin jazasyn ótep jatqan úsh tutqynǵa hımııalyq kastraııa jasaldy. Aıyptalýshylar jergilikti jýrnalısterge bul rásim jynystyq densaýlyqty ǵana emes, jalpy densaýlyqqa da zııanyn tıgizetinin aıtty, dep habarlaıdy «Adyrna» ulttyq portaly Stan.kz aqparat agenttigine silteme jasap.

Marat esimdi (aty ózgertilgen) tutqynǵa temir tordyń ar jaǵynda áli 15 jyl otyrý kerek. Ol kámeletke tolmaǵan qyzdy zorlaýǵa tyrysqany úshin sottalǵan. Osyǵan uqsas baptar boıynsha sottalǵandarmen birge ol hımııalyq kastraııadan ótti. Tutqyn telearna jýrnalısterine ınekııadan keıin densaýlyǵy áldeqaıda jaǵdaıy nasharlaǵanyn aıtty.

«Sot 15 jylǵa qatań rejımde jaza óteý qajettigi jaıly sheshim shyǵardy. Taǵy kastraııa jasaýdy buıyrdy. Meniń isimde zorlyq-zombylyq jasaýǵa tyrysty dep jazylǵan, biraq qazir ne isteý kerek? Er densaýlyǵy jaǵynan bári nasharlap ketti, maǵan jynystyq ómir kerek, biraq ol jaqta eshteńe jumys istep turǵan joq.  Nege kastraııa jasaýy kerek? Iá, men kinálimin, moıyndaımyn. Biraq endi ne isteımin? Meniń de ómir súrgim keledi ǵoı. Meniń otbasym, balalarym bar!» — deıdi ol.

ICh-167/3 qatań rejımdegi kolonııada júzden astam sottalýshy 124-bab "kámeletke tolmaǵandardy azǵyrý" boıynsha jazasyn ótep jatqanyn aıtady. Úsheýi hımııalyq kastraııa jasaǵan, olarmen psıhologtar men medıınalyq-sanıtarııalyq bólim dárigerleri jumys istep jatyr.

«Bizdiń kolonııada 700-den astam sottalǵandar bar, olardyń júzden astamy «pedofılııa» baby boıynsha, úsh sottalǵan adamǵa kastraııa qoldanylǵan. Sodan keıin kastraııa taǵaıyndalǵan adamdarǵa jospar boıynsha ınekııa engiziledi», – dedi mekeme basshysynyń orynbasary Maǵjan Esimbek.

Otyrar arnasynyń málimetinshe, 2021 jyldyń sońyna deıin pedofılııa úshin sottalǵan 30 adam bostandyqqa shyǵady. Olar hımııalyq kastraııaǵa ilinbeıdi, óıtkeni olardyń barlyǵyna osy zań Qazaqstanda kúshine engenge deıin úkimderi shyǵarylǵan.

Qazir kastraııaǵa qatysty kóptegen pikirtalastar bar, keıbireýler kastraııanyń máni joq deıdi, óıtkeni bul tek ýaqytsha áser beredi dese, endi biri, kerisinshe, bosatylǵannan keıin de sottalǵandarǵa únemi ınekııa salyp otyrý kerek dep sanaıdy.

"Adyrna" ulttyq portaly

Pikirler