2017 jyldyń 6 qarashasy kúni QarMTÝ-dyń birinshi korpýsyndaǵy № 207 aýdıtorııasynda Alash qozǵalysynyń 100-jyldyǵyna oraı uıymdastyrylǵan respýblıkalyq «Alash-Joly» ǵylymı-zertteý ekspedıııasyna qatysýshy ǵalymdar bilim ordamyzdyń stýdentterimen kezdesti.
Ekspedıııa marshrýty Alash qozǵalysynyń qaıratkerleri týyp-ósken, qyzmet etken Semeı, Astana jáne Qaraǵandy óńirlerinen ótýde. Semeı qalasynda ekspedıııa músheleri sapardyń «Alash qala» dep atalatyn bólimin júrip ótip, onda Alashordanyń negizin qalaýshy qaıratkerlerdiń urpaqtarymen kezdeisip, birqatar málimetter jınaǵan. Al Astana jáne Qaraǵandy qalalaryndaǵy saparlarynda «ALJIR» jáne QarLAG lagerleriniń ornynda bolyp, saıası qýǵyn-súrgin qurbandarynyń basynan ótkergen qıyndyqtary jaıly jańa derekter jınaǵan. Ekspedıııanyń endigi nysany Jezqazǵan jáne Baıanaýyl aımaǵynda jalǵasyn tabady.
Jalpy ekspedıııa Alash qozǵalysy jáne onyń ıdeıalaryn alǵa tartqan qaıratkerlerdiń ómiri, qyzmeti jaıly derekti fılm túsirýdi maqsat etip, jolǵa shyqqan.
Kezdesýde óz zertteýleri jaıynda stýdentterge «Adyrna» ulttyq-etnografııalyq uıymnyń dırektory, etnograf, jýrnalıst, R.B. Sýleımenov atyndaǵy Shyǵystaný ınstıtýtynyń PhD doktoranty – Arman Áýbákir, Halyqaralyq «Kóshpendiler ıvılızaııasy murasy» qoǵamdyq qorynyń prezıdenti, etnograf, túrkolog, nomadıst, «Uly dala kóshpendileri» jýrnalynyń redaktory – Batyrjan Seıdomar, joba koordınatory Daıyr Qydyrǵalıuly áńgimelep berdi. Is-sharany ýnıversıtetimizdiń Qazaqstan tarıhy kafedrasynyń oqytýshysy Aıdar Otarbekuly Jetpisbaev júrgizdi.
Júrip ótken joldarda jınaǵan qundy tarıhı derekter, alǵan suqbattary jóninde baıandaı kelip, ekspedıııa músheleri QarMTÝ basshylyǵy jáne oqytýshylar quramyna stýdent jastarmen osyndaı mándi kezdesýlerdi uıymdastyryp, memleket basshysynyń «Bolashaqqa baǵdar: rýhanı jańǵyrý» baǵdarlamasy aıasynda «Adyrna» ulttyq-etnografııalyq uıymynyń Alash qozǵalysynyń 100-jyldyǵyna oraı uıymdastyrylǵan «Alash-Joly» ǵylymı-zertteý ekspedıııasynyń zertteýlerin nasıhattaýǵa qoldaý kórsetip, el tarıhyna, tarıhqa degen qurmetterin kórsetip otyrǵandyǵy úshin alǵystaryn bildirdi. Joba koordınatory Daıyr Qydyrǵalıuly úsh jyl boıy QarMTÝ qabyrǵasynda «Túrik jazýy kúnin» ótkiziletindigin de rızashylyqpen atap ótti. «Bunyń bári tehnıkalyq baǵytta bilim beretin JOO orny bolsa da, QarMTÝ-dyń óz bilim alýshylaryn, bolashaq Qazaqstan azamattaryn ıdeıalyq-rýhanı jáne patrıottyq turǵydan tárbıeleý isine asa úlken kóńil bóletin birden-bir bilim ordasy ekendiginiń dáleli»,- dedi zertteýshi.