Eýro 2020. Shırek fınal oıyndaryna sholý

2466
Adyrna.kz Telegram

Qyzyǵy men shyjyǵy kóp fýtboldan Evropa chempıonatynyń shırek fınaldyq oıyndary máresine jetti. Jarys jolynda saıdyń tasyndaı iriktelgen tórt komanda ǵana qaldy. Dramaǵa men tartysqa toly ótken Eýro 2020 dodasynyń ¼ fınaldyq kezdesýlerdiń nátıjesin sizdermen birge talqylasaq.

Shveıarııalyq ertegi aıaqtaldy. Tań qaldyrdy, tańdandyrdy.

Shveıarııa 1-1 Ispanııa (penaltı serııasy boıynsha 1-3)

Jarystyń pleı-off kezeńi bastalǵaly beri barsha jankúıerlerdiń súıispenshiligine bólengen Shveıarııa quramasy jarysty aıaqtady. Óz joldarynda tipti álem chempıondary Franııa quramasyn jolda qaldyrǵan shveıarııalyq fýtbolshylarǵa qandaı maqtaý aıtsaq ta jarasady. Desek te shırek fınaldyq kezeńiń alǵashqy matchynda Ispanııa quramasynyń oıyn jaǵynan basymdyǵy anyq baıqaldy. Ysqyryq pármeni berilgennen aq shabýylǵa lap qoıǵan ıspandyqtar 8-mınýtta shveıar qorǵaýshysy Denıs Zakarııanyń qateliginen esep ashty. Alǵashqy goldan keıin ıspan fýtbolshylary ózderiniń jeńisine tym senimdi bolǵandaı kórindi. Bapkerdiń dá dál solaı oılaǵany ekinshi taım bastalǵan sátte jetekshi fýtbolshylary Paýlo Sarabııa men Alvarto Moratanyń ornyna ózge fýtbolshylardy shyǵarǵanynan baıqaldy. Qatelikter osy jerden bastaldy. Atalǵan eki fýtbolshynyń ornyn basqan Danı Olmo men Jerar Moreno qarsylas qaqpasyn dál kózdeı almady. Qyraǵylyq tanytýǵa shveıar qaqpashysy Ian Zommer múkindik te bermedi. Bosańsyǵan ıspan qorǵaýshylarynyń qateligin utymdy paıdalanǵan shveıarııalyq Djerdan Shakırı 68 mınýtta tarazy basyn teńestirse, 77 mınýtta Shakırıge pas bergen Remo Froıler tártip buzyp alańnan qýyldy. Teń nátıjemen aıaqtalǵan negizgi ýaqyttan keıingi qosymsha taımdarda da esep ózgergen joq. Shveıarııalyq qaqpashy Ian Zommer asqan sheberlik tanytyp, 30 mınýt ishinde ulttyń bas qaharmanyna aınalyp úlgerdi. Ókinishke oraı, penaltı serııasynda shveıarııalyq fýtbolshylar birinen keıin biri qatelesip, armandaryndaǵy nátıjege synyq súıem qalǵanda súrindi. Ispanııalyqtar óz kezeginde múmkindikterin óte sátti oryndap, jartylaı fınal joldamasyn qorjyndaryna saldy.

Juldyzdy komanda juldyzdy oıynshylardy jeńdi.

Belgııa 1-2 Italııa

Jýrnalıster men jankúıerlerdiń oıynda týrnırdiń basty favorıti sanalǵan Belgııa quramasy jarys jolyn ¼ fınaldan aıaqtady. FIFA reıtıngi boıynsha álemniń nómiri birinshi ulttyq quramasy sanalatyn belgııalyqtardyń utylýyna sebep kóp. Taqyryp qylyp kórsetkenimizdeı Belgııa quramasy naǵyz juldyz fýtbolshylardan jasaqtalǵan. Anglııa chempıonatynyń úzdik oıynshysy Kevın de Brıýıne, Álem chempıonatynyń altyn qolǵap ıegeri Tıbo Kýrtýa, aǵaıyndy Eden jáne Torgan Azarlar, Romelý Lýkaký, ataı bersek sanynan jańylamyz. Degenmen, quramanyń jalǵyz álsiz tusy-egde jastaǵy qorǵaýshylarynda edi. Mine, ıtalııandyqtar dál osy tustan aýyrta soqqylar jasady. Italııa quramasyna keler bolsaq, jastyq pen tájirıbeniń ádemi qosyndysy desek qatelespeımiz. Komanda belsendi túrde shabýylǵa da shyǵady, qorǵanysqa da saýatty mán beredi. Alań ortasynda qysym jasap, Belgııanyń juldyzdy oıynshylarynyń adymyn ashtyrmaıdy. Odan qalsa qaqpada turǵan Djannýlıdjı Donnarýmma týra soqqylardyń balyǵyn erkin qaıtaryp turdy. Onyń qaqpasyna kirgen jalqy goldy Romelý Lýkaký soqsa, jeńimpazdar tarapynan Nıkolo Barella men Loreno Insıne qyraǵylyǵymen kózge tústi. Jartylaı fınal joldamasyna ıe bolǵan Roberto Manchını bastaǵan ıtalııandyqtardyń alar asýlary alda sekildi, al «júldesiz juldyzdar» degen laqap atqa ıe bolǵan Belgııa quramasynyń endigi jaǵdaıy ne bolatyny belgisiz. Qurama mamandarynyń sózinshe komanda aldaǵy ýaqytta býyn almasý proessi arqyly negizgi quramǵa birneshe jas fýtbolshylardy engizbek, búgingi qatelikterin qaıtalamas úshin.

Danııanyń daty uzaqqa sozylýda

Chehııa 1-2 Danııa

Eki komandany da týrnırde tosyn syı jasaǵan quramalardyń sanatyna jatqyza alamyz. Chehııalyqtar 1/8 fınalda ataqty Nıderlandy quramasyn jeńse, Danııalyqtar alǵashqy týrda oryn alǵan shok jaǵdaıdan keıin esterin jıyp, shırek fınalǵa deıin jetip otyr. Oıyn aıtarlyqtaı deńgeıde óte qyzyqty ári tartysty ótti. Qos quramanyń tarapynan oryn alǵan alma-kezek shabýyldar, jankúıerlerdiń qoldaýy barlyǵy oıynnyń kórkin odan saıyn asha tústi. Iýssýf Poýlsen, Martın Breıtýeıt bastaǵan dat fýtbolshylarynyń shabýyldaǵy saýattylyqtary taıǵa basqan tańbadaı anyq baıqaldy. 8 mınýtta jartylaı qorǵaýshy Tomas Dıleını esep ashsa,  42 mınýtta shabýylshy Kasper Dolberg esepti eselep, Danııanyń jartylaı fınalǵa shyǵý múmkindigin ulǵaıta tústi. Ekinshi taım chehııalyqtardyń tolassyz shabýyldarymen bastalyp, nátıjesinde Patrık Shık esep aıyrmasyn qysqartty. Eýro bastalǵaly beri tek ádemi goldar soǵyp júrgen cheh shabýylshysy Shık týrnırdegi besinshi golyn soǵyp, surmergender kóshinde Krıshtıaný Ronaldýmen teńesti. Qorytyndy esep osy kúıinde saqtaldy, 2-1 esebimen Danııa quramasy jeńiske jetti. Krıstıan Erıksenniń jan túrshigerlik oqıǵasynan keıin jaqsy oınaýdy ózderine maqsat tutqan dat fýtbolshylary jankúıerlerdi qaıtpas qaısar rýhymen baýrap aldy. Jartylaı fınaldyń joldamasy da osy ushan-teńiz eńbektiń qarymtasy sekildi.

Fýtbol óz úıine oralady

Ýkraına 0-4 Anglııa

Resmı túrde fýtbol oıynynyń otany sanalatyn aǵylshyn halqy Eýrododadaǵy úlken nátıjemen maqtana almaı kele jatqanyna jarty ǵasyrdan asty. Atalmysh kezdesý sol sebepti Anglııalyq kez kelgen jankúıerge de, fýtbolshyǵa da asa mańyzdy edi. Sóz júzindegi myqtylyqty aǵylshyndar alǵashqy mınýttardan aq is júzindegi myqtylyqqa aınaldyrýǵa tyrysty. 4 mınýtta soǵylǵan Harrı Keınniń goly buǵan anyq dálel edi. Andreı Shevchenko bastaǵan Ýkraına quramasy alǵashqy taımnyń aıaǵyna taman táýir qarsylyq kórsetkenimen, komandanyń fızıkalyq kúshi ekinshi taımdy da dál sondaı qarqynda ótkizýge jete qoımady. Ekinshi taım bastalǵan sátten shabýylǵa lap qoıǵan «arystandar» 5 mınýttyń ishinde qarsylastar qaqpasyn eki ret dál kózdedi. Harrı Keın ekinshi golyn toılasa, Harrı Magýaır týrnırdegi alǵashqy golyn soqty. Bunymen toqtap qalmaǵan aǵylshyndar 63 mınýtta esep aıyrmasyn ulǵaıtty. Djordan Henderson soqqan goldan keıin teletranslıaııa bizge ýkraın jankúıerleriniń kóz jasyna erik bergen beınelerin kórsetti. Aǵylshyndar qýandy, ýkraındar jarys jolyn aıaqtady. Jartylaı fınal men fınaldyq kezdesýler Anglııanyń London qalasyndaǵy «Ýemblı» stadıonynda ótetinin eskersek, bul jaǵdaı aǵylshyn fýtbolshylary úshin úlken basymdyq bolmaq. «Fýtbol óz úıine oralady» degen jarnamalyq lozýngtar qazirdiń ózinde qala kóshelerin kómkerip tur.

7, 8 shilde kúnderi ótetin jartylaı fınaldyq kezdesýde Italııa men Ispanııa, Anglııa men Danııa ózara myqtyny anyqtaıdy. Jeńgeni fınal joldamasyna, jeńilgeni qola júldege ıe bolady. Árıne, tórtjyldyqtyń basty básekesi bolǵandyqtan kimniń de bolsa altyn medaldy óz elderine syılaǵysy keletini haq. Shyn myqtyny alań kórsetsin.

Pikirler