Palestina bilıgı İordan özenınıŋ batys jaǧalauyndaǧy qatarlyq «Äl-Jazira» telearnasynyŋ habar taratuyn toqtatu turaly şeşım qabyldady, dep habarlaidy “Adyrna” ūlttyq portaly CNN-ge sıltep.
Palestinanyŋ resmi aqparat agenttıgı Wafa-nyŋ mälımetınşe, telearna «Palestina ışkı ısterıne aralasatyn qozdyrǧyş materialdar men alaŋdauşylyq tudyratyn habarlamalardy» taratqany üşın aiyptalǧan. Bilık arnanyŋ qyzmetı onyŋ qūqyqtyq märtebesı rettelgennen keiın ǧana qalpyna keluı mümkın ekenın mälımdedı.
Telearna būl şeşımdı synǧa alyp, ony «basyp alynǧan aumaqtardaǧy şyndyqty jasyru äreketı» dep atady.
“Jabu turaly şeşım bilık demeuşılık etken ūiymdardyŋ bızdıŋ jurnalisterge qarsy arandatu men qorqytu nauqanynan keiın qabyldandy”, — delıngen telearna taratqan mälımdemede.Arna bilıkten būl şeşımdı qaita qaraudy jäne tüsıru tobyna eldegı oqiǧalardy körsetudı jalǧastyruǧa rūqsat berudı talap ettı. Aita keteiık, būǧan deiın «Äl-Jazira» AQŞ aumaǧynda da habar taratudy toqtatqan bolatyn. Būl jaǧdai telearnanyŋ qyzmetı türlı elderde saiasi qysymǧa ūşyrap otyrǧanyn körsetedı.
Ūqsas jaŋalyqtar
