Palestına bıligi Iordan ózeniniń batys jaǵalaýyndaǵy qatarlyq «Ál-Jazıra» telearnasynyń habar taratýyn toqtatý týraly sheshim qabyldady, dep habarlaıdy “Adyrna” ulttyq portaly CNN-ge siltep.
Palestınanyń resmı aqparat agenttigi Wafa-nyń málimetinshe, telearna «Palestına ishki isterine aralasatyn qozdyrǵysh materıaldar men alańdaýshylyq týdyratyn habarlamalardy» taratqany úshin aıyptalǵan. Bılik arnanyń qyzmeti onyń quqyqtyq mártebesi rettelgennen keıin ǵana qalpyna kelýi múmkin ekenin málimdedi.
Telearna bul sheshimdi synǵa alyp, ony «basyp alynǵan aýmaqtardaǵy shyndyqty jasyrý áreketi» dep atady.
“Jabý týraly sheshim bılik demeýshilik etken uıymdardyń bizdiń jýrnalısterge qarsy arandatý men qorqytý naýqanynan keıin qabyldandy”, — delingen telearna taratqan málimdemede.
Arna bılikten bul sheshimdi qaıta qaraýdy jáne túsirý tobyna eldegi oqıǵalardy kórsetýdi jalǵastyrýǵa ruqsat berýdi talap etti.
Aıta keteıik, buǵan deıin «Ál-Jazıra» AQSh aýmaǵynda da habar taratýdy toqtatqan bolatyn. Bul jaǵdaı telearnanyń qyzmeti túrli elderde saıası qysymǵa ushyrap otyrǵanyn kórsetedi.
