TikTok áleýmettik jeliler arasynda jastar úshin eń qaýipti qosymsha ekendigi anyqtaldy dep habarlaıdy "Adyrna" ulttyq portaly.
Áleýmettik jeliler men messendjerlerdiń kásibı qoldanýshylary qaýymdastyǵynyń sarapshylary TikTok qosymshasynda jasóspirimder arasynda sýııdti nasıhattaıtyn «kók kıt» taqyrybyna baılanysty ár túrli jolmen 1,7 myńǵa jýyq vıdeo anyqtaǵan.
Osylaısha búginde jastar arasynda keńinen tanymal bolǵan bul qosymshanyń jastardyń sanasyn ýlap, olardy sýııdke "úgitteıtinin" mamandar moıyndap otyr.
«Áleýmettik jeliler men messendjerlerdiń kásibı qoldanýshylar qaýymdastyǵy TikTok-tyń ólim toptaryna qatysty heshtegtermen mazmundy taratý boıynsha absolıýtti kóshbasshyǵa aınalǵanyna alańdaıdy jáne Roskomnadzordan ózin-ózi óltirýge qarsy is-qımyldyń qanaǵattanarlyqsyz jumysyna baılanysty sheteldik áleýmettik jelilerge qatysty shara qoldanýdy suraıdy», — delingen atalǵan qaýymdastyqtyń úndeýinde.
Sarapshylar bıylǵy jyldyń naýryz-maýsym aılary aralyǵynda TikTok-tan basqa Facebook, Instagram jáne VKontakte jelilerin zerttep, jastardy ólimge ıtermeleý mazmunyndaǵy materıaldardy taldaǵan.
Al TikTok qosymshasynyń ókilderi jelini qoldaýshylar úshin eshqandaı qaýip joq ekendigin jetkizgen.
Aıta ketý kerek, buǵan deıin de sheteldik sarapshylar bul qosymshanyń balalardyń psıhıkasynyń keri áser etetinin, sondaı-aq TikTok adamdardyń jeke málimetterin qaraıtynyn aıtqan bolatyn.
Al ótken jyly AQSh úkimeti TikTok pen WeChat "óz paıdalanýshylarynan úlken kólemde aqparat alady" degendi alǵa tartyp, bul qosymshadan bas tartý týraly másele qozǵaǵan bolatyn.
Bizdiń elimizde búgingi kúni bul qosymsha barlyq azamattarǵa qol jetimdi bolyp otyr. Ásirese, oqýshylar men stýdentter bul jelide belsendi.
"Adyrna" ulttyq portaly.
