Astanalyq turǵyny Natalıa Svırıdova qazaq halqyna til tıgizdi jáne ultaralyq arazdyq týdyrdy dep aıyptalyp, tórt jylǵa bas bostandyǵynan aıyryldy, dep habarlaıdy "Adyrna" portaly.
«Svırıdenko (Merkýlova) Natalıa Valentınovna Qylmystyq kodekstiń 174-babynyń 1-bóligimen (áleýmettik, ulttyq, rýlyq, násildik, taptyq nemese dinı arazdyqty qozdyrý) qaralǵan is boıynsha kináli dep tanylyp, oǵan bas bostandyǵynan aıyrý túrindegi jaza taǵaıyndaý týraly qaýly shyǵaryldy. Tórt jyl merzimge qylmystyq-atqarý júıesiniń qaýipsizdigi ortasha mekemesinde óteý jazasy taǵaıyndalsyn», - delingen elordanyń qylmystyq ister jónindegi aýdanaralyq sotynyń úkiminde.
Bul oqıǵa 7 tamyzda bolǵan.
«Saǵat 01:00 shamasynda Svırıdenko N.V. Astanadaǵy úıinde TikTok áleýmettik jelisinde «Queen 2» akkaýntymen tikeleı efır júrgizdi. Osy habar barysynda Svırıdenko N.V. ulttyq arazdyqty qozdyrýǵa jáne azamattardyń ulttyq qadir-qasıetin qorlaýǵa baǵyttalǵan qylmysty josparlaǵan. Svırıdenko N.V., óz jazylýshylarynyń arasynda ártúrli ult ókilderiniń bar ekenin túsinip, qazaq ulty ókilderiniń ar-namysy men qadir-qasıetin qorlaı bastaǵany Qazaqstanda keń kólemde narazylyq týdyrdy», - delingen sot úkiminde.
Sot materıaldaryna sáıkes, Svırıdenko N.V. qazaq halqyna qarsy dóreki jáne balaǵat sózder aıtyp qana qoımaı, olardy prımattarmen salystyrǵan, bir kórermenniń balalaryn jerleımin dep aıtqan, olardyń birin «aýrý» dep ataǵan. Sondaı-aq ol Almaty men Jańaózendegi qańtardaǵy qaıǵyly oqıǵaǵa qazaqtardy kinálady. «Sonymen, Svırıdenko N.V. Osy maqsatta telekommýnıkaııa jelilerin paıdalana otyryp, etnıkalyq qaqtyǵysty qozdyrýǵa jáne azamattardyń ulttyq namysy men qadir-qasıetine nuqsan keltirýge qasaqana áreketter jasaǵan», - delingen sottyń qorytyndysynda.
TıkToktaǵy jazbany qarap shyqqan sot Svırıdenkonyń málimdemeleri «búkil qazaq halqyna da, Qazaqstan úkimetine de qarsy baǵyttalǵan qorlaý jáne balaǵattaıtyn sózderge, onyń ishinde uıatsyz jáne boqtyq sózderge toly» degen qorytyndyǵa keldi. Jazbadan tikeleı efır kezinde Svırıdenkonyń mas bolǵany belgili boldy.
Sot úkiminde Svırıdenkonyń esi durys dep tanylyp, jasaǵan áreketine shyn júrekten ókinetini atap ótilgen. Úkim qarashanyń 23-i kúni shyǵaryldy, oǵan shaǵymdanýǵa bolady.
