Búginde Qazaqstandaǵy basty taqyryp ekpe alý máselesi bolyp otyr. Osy oraıda QR Densaýlyq saqtaý mınıstrligi ekpe alý týraly elektrondy qujattardy qoldan jasaý derekteri anyqtalǵanyn málimdedi dep habarlaıdy "Adyrna" ulttyq portaly.
Eń qyzyǵy, mundaı jalǵan tólqujattardy túpnusqadan ajyratý múmkin emes ekenin atap ótti mınıstrliktegiler.
«Keı adamdar vakınalaý týraly elektrondy pasport satyp alýǵa da ótinish bildirgen. Jeke azamattar da áleýmettik jelilerge jáne densaýlyq saqtaý mınıstrligine júginip, vakınalaý pasportyn satý faktileri bolǵanyn aıtty. Biz óz tarapymyzdan aqparattyq júıe turǵysynan derekterdiń durystyǵyna qaraımyz. Qalaı bolǵanda da medıına uıymynyń qyzmetkerleri derekterdi aqparattyq júıege engizedi. Bul – olardyń jaýapkershiligi. Sondaı-aq, jergilikti atqarýshy organdar deńgeıinde kim jáne qalaı satqanyn anyqtaý boıynsha jumys júrgizilýde. Ázirge búkil el boıynsha málimet jınaqtaǵan joqpyz», - dedi QR DSM elektrondyq densaýlyq saqtaýdy damytý departamentiniń dırektory Beıbit Esenbaev.
Onyń aıtýynsha, keı azamattar medıına qyzmetkerlerinen syıaqyǵa vakına alǵandyǵy týraly derekterdi aqparattyq júıege engizýdi suraǵan.
«Munda pasporttyń jalǵan ne shyndyq ekenin tabý múmkin emes. Óıtkeni, vakınany jasaǵan dárigerge aqparattyq júıe zańdy túrde qoljetimdi jáne osy derekterdi engize alady. Bul da – onyń medıınalyq uıymnyń qyzmetkeri retindegi jaýapkershiligi. Jalǵan derekterdi engizgeni úshin de belgili bir jaýapkershilik qarastyrylǵan», - dedi ol.
Departament dırektory jalǵan pasporttarǵa qatysty aqparattyq júıede derekterdi kim, qashan júrgizgeni tekserilip jatqanyn aıtty. Qate aqparat engizý faktileri medıına uıymdary men densaýlyq saqtaý basqarmasy deńgeıinde de anyqtalýǵa tıis.
«Vakınalaý pasporty buryn úsh tilde úsh bet bolatyn. Qazir úsh tilde beriletin aqparat bir bette bolady. Sondaı-aq, azamattyń jeke málimeti týraly aqparatty – tólqujat nómiri, týǵan jylyn jáne QR-kod qosamyz. QR-kodty skanerlep, Densaýlyq saqtaý mınıstrliginiń Memlekettik resýrsyna kirýge bolady, onda osy elektrondy pasporttyń túpnusqa nemese jalǵan ekenin tekserýge bolady», — dedi Beıbit Esenbaev.
"Adyrna" ulttyq portaly.
