Bügınde Qazaqstandaǧy basty taqyryp ekpe alu mäselesı bolyp otyr. Osy oraida QR Densaulyq saqtau ministrlıgı ekpe alu turaly elektrondy qūjattardy qoldan jasau derekterı anyqtalǧanyn mälımdedı dep habarlaidy "Adyrna" ūlttyq portaly.
Eŋ qyzyǧy, mūndai jalǧan tölqūjattardy tüpnūsqadan ajyratu mümkın emes ekenın atap öttı ministrlıktegıler.
«Kei adamdar vaksinalau turaly elektrondy pasport satyp aluǧa da ötınış bıldırgen. Jeke azamattar da äleumettık jelılerge jäne densaulyq saqtau ministrlıgıne jügınıp, vaksinalau pasportyn satu faktılerı bolǧanyn aitty. Bız öz tarapymyzdan aqparattyq jüie tūrǧysynan derekterdıŋ dūrystyǧyna qaraimyz. Qalai bolǧanda da medisina ūiymynyŋ qyzmetkerlerı derekterdı aqparattyq jüiege engızedı. Būl – olardyŋ jauapkerşılıgı. Sondai-aq, jergılıktı atqaruşy organdar deŋgeiınde kım jäne qalai satqanyn anyqtau boiynşa jūmys jürgızılude. Äzırge bükıl el boiynşa mälımet jinaqtaǧan joqpyz», - dedı QR DSM elektrondyq densaulyq saqtaudy damytu departamentınıŋ direktory Beibıt Esenbaev.Onyŋ aituynşa, kei azamattar medisina qyzmetkerlerınen syiaqyǧa vaksina alǧandyǧy turaly derekterdı aqparattyq jüiege engızudı sūraǧan. «Mūnda pasporttyŋ jalǧan ne şyndyq ekenın tabu mümkın emes. Öitkenı, vaksinany jasaǧan därıgerge aqparattyq jüie zaŋdy türde qoljetımdı jäne osy derekterdı engıze alady. Būl da – onyŋ medisinalyq ūiymnyŋ qyzmetkerı retındegı jauapkerşılıgı. Jalǧan derekterdı engızgenı üşın de belgılı bır jauapkerşılık qarastyrylǧan», - dedı ol.
Departament direktory jalǧan pasporttarǧa qatysty aqparattyq jüiede derekterdı kım, qaşan jürgızgenı tekserılıp jatqanyn aitty. Qate aqparat engızu faktılerı medisina ūiymdary men densaulyq saqtau basqarmasy deŋgeiınde de anyqtaluǧa tiıs.«Vaksinalau pasporty būryn üş tılde üş bet bolatyn. Qazır üş tılde berıletın aqparat bır bette bolady. Sondai-aq, azamattyŋ jeke mälımetı turaly aqparatty – tölqūjat nömırı, tuǧan jylyn jäne QR-kod qosamyz. QR-kodty skanerlep, Densaulyq saqtau ministrlıgınıŋ Memlekettık resursyna kıruge bolady, onda osy elektrondy pasporttyŋ tüpnūsqa nemese jalǧan ekenın tekseruge bolady», — dedı Beibıt Esenbaev.
"Adyrna" ūlttyq portaly.
Ūqsas jaŋalyqtar
