Qostanaıda azyq-túlik taýarlarynyń baǵasy 6,1 paıyzǵa artqan

976

Bul týraly oblys ákimi Arhımed Muhambetov Ortalyq kommýnıkaııalar qyzmetinde ótken brıfıngte aıtyp berdi dep habarlaıdy "Adyrna" ulttyq portaly.

Arhımed Muhambetov  Qostanaı oblysynyń 2021 jyldyń aǵymdaǵy kezeńindegi áleýmettik-ekonomıkalyq damýy jaıly baıandap, jýrnalısterdiń saýaldaryna jaýap berdi.

Onyń aıtýynsha, jyl basynan beri Qostanaı oblysynyń ónerkásip kásiporyndary 860,4 mlrd teńgeniń ónimin óndirgen. Esepti kezeńde óńir ekonomıkasyna 117,0 mlrd teńge ınvestıııa tartylypty.

Jalpy oblys boıynsha quny 168,6 mlrd teńgege 97 ınvestıııalyq joba júzege asyrylǵan. Sonyń arqasynda 6,5 myń jumys orny ashylǵan.

— Oblysta aýyl sharýashylyǵy ekonomıkanyń ekinshi bazalyq baǵyty bolyp esepteledi. Onyń úlesi 12,5%-ke teń. Salada 117 myńnan astam adam jumys isteıdi. Bul  — jumyspen qamtylǵan halyqtyń jalpy sanynyń 25 paıyzy. Respýblıka boıynsha bizdiń oblys un óndirisi boıynsha birinshi, sary maı, sút jáne qoıýlandyrylǵan sút óndirýde ekinshi, ıogýrt, sút jáne ashytylǵan kilegeı, makaron ónimderi óndirisi boıynsha úshinshi orynda tur. Bıyl et óndirisi 4,7 paıyzǵa, sút óndirisi 2,5 paıyzǵa artty. Jalpy, astyqty óńir tamaq ónimderi óndirisiniń eksporty boıynsha ótken jyly respýblıkada birinshi oryn alǵanyn atap ótken jón, — dedi A.Muhambetov.

Ol brıfıng sońynda jýrnalıster tarapynan óńirdegi avtokólik joldaryn qalpyna keltirý, turǵyn úı salý, halyqty jumyspen qamtý, bilim berý, densaýlyq saqtaý salasyndaǵy birqatar máseleler boıynsha qoıylǵan saýaldarǵa jaýap berdi.

Oblys ákimine "Adyrna" ulttyq portalynyń jýrnalısteri de óz saýalyn usyndy. "Áleýmettik mańyzy bar taýarlar baǵasynyń ósýin tejeý úshin qandaı sharalar atqarylyp jatyr?" degen saýalǵa A.Muhambetov bylaı dep jaýap berdi:

— Bıyl oblysta tutyný baǵalarynyń kórsetkishi 103,3 paıyzdy  qurady (Qazaqstan Respýblıkasynda – 103,5 paıyz),  onyń ishinde azyq-túlik taýarlarynyń ındeksi —  104,8 paıyz (Qazaqstan Respýblıkasynda – 104,9%). Bıylǵy bes aıdyń ishinde óńirde áleýmettik mańyzy bar 19 azyq-túlik taýarynyń baǵa ındeksi 6,1 paıyzǵa deıin ósti. Bul ortasha kórsetkish dep oılaımyz. Sebebi qazirgi tańda Qazaqstan Respýblıkasy boıynsha bul kórsetkish 6,7 paıyzǵa deıin jetip otyr. Jalpy jyl qorytyndysy boıynsha óńirlik ónimniń keminde 3,0 paıyz ósimin kútýdemiz. Jýyrda baǵasy qymbattaǵan kókónister, onyń ishinde kartop, sábiz baǵalary bizdiń oblysta turaqtalyp keledi, atap aıtsaq, baǵa eskporttyq baǵalardan tómen.

 

"Adyrna" ulttyq portaly. 

 

Pikirler
Redakııa tańdaýy