Qazaqstanda 1 shildeden bastap Ákimshilik rásimdik-proessýaldy kodeks kúshine enedi. Jańa qujat memlekettik organdarmen daý-damaıda qarapaıym halyqtyń quqyǵyn qorǵaýǵa baǵyttalǵan, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
Ádilet vıe-mınıstri Natalıa Pannyń aıtýynsha, jańa kodeks azamattardy bılik organdarynyń zańsyz áreketterinen qorǵaýǵa tıis. Máselen, quqyqtyq sheshimderdiń kúshin joıýdyń erekshe tártibi engiziledi. Qazaqstandyq bir kezderi qabyldanǵan sheshim zańdy, dáıekti jáne onyń kúshin joıýǵa bolmaıtynyna senimdi bolýy kerek.
«Azamatqa áleýmettik kómek tólendi delik. Alaıda biraz ýaqyttan keıin tekseris kezinde járdemaqy artyq tólenip qoıǵany, memlekettik organnyń kinásinen qate sheshim qabyldanǵany anyqtaldy. Mundaı jaǵdaıda ókiletti organ adal azamattan jumsalǵan aqshany qaıtarýdy talap ete almaıdy. Óıtkeni ol adamnyń esh kinási joq», - dedi Pan.
Taǵy jańashyldyq – quqyq basymdyǵy qaǵıdatynyń engizilýi. Ol boıynsha zańnamanyń kúmándi jáne túsiniksiz tustary, qaıshylyqtary qarapaıym azamattardyń paıdasyna sheshiledi.
«Mysaly, memlekettik qyzmet kórsetý tártibin retteıtin qujatta merzim úsh kún dep belgilengen. Biraq ol merzim jumys nemese kúntizbe kúnderimen sanala ma, ol kórsetilmegen. Osy jaǵdaıda sizge memlekettik qyzmet úsh kúntizbelik kún ishinde kórsetilýge tıis. Óıtkeni bul azamatqa áldeqaıda yńǵaıly», - dedi Pan beısenbide ótken baspasóz máslıhatynda.
Joǵarǵy sottyń ákimshilik ister jónindegi sot alqasynyń tóraǵasy Qanat Mýsın jańa kodekstiń normalary qaı ýaqytta qoldanylatynyn túsindirdi. Mysaly, ákimdik jer berýden bas tartyp, azamat munymen kelispeı, talap-aryz túsirse, is jańa kodekspen qaralady.
«Sot bul daýdy jańa kodekstiń erejeleri boıynsha qaraıdy. 1 shildege deıin mundaı ister azamattyq sot óndirisinde qaralyp keldi. Ol taraptardyń teń bolýyn talap etetin. Alaıda jaı adam men bılik organyn salystyrýǵa bolmaıdy. Memlekettik organnyń sarapshylary, zańgerleri bar. Sol sebepti eki taraptyń múmkindikteri ártúrli», - dedi Mýsın.
Buǵan qosa jańa kodeks memlekettik organdardy tártipke úıretýge tıis, mysaly, aqsha óndirip alý jolymen.
«Qazir qalaı? Memlekettik organnyń ókili sotqa barmaı qoıady. Al sot isti qarap, sheshimdi memlekettik organnyń paıdasyna shyǵarýy múmkin. Al endi jańa talap boıynsha, eger ol sotqa kelmese nemese qujattardy usynbasa, sot odan 20 AEK (58 340 teńge – Sputnik) óndirip alady. Aqsha óndirip alý sottyń talaby oryndalǵanǵa deıin birneshe ret qoldanylýy múmkin», - dedi Mýsın.
"Adyrna" ulttyq portaly
