Atyraýda kúnniń ystyǵynda asfaltta jumyrtqa qýyrǵan aspazdyń áreketi áleýmettik jelide talqylanyp jatyr. Bala kezinen aspazdyqqa qyzyqqan Baǵdat Qadyrov «Adyrna» ulttyq portalynyń tilshisine mán-jaıdy túsindirip berdi.
«Bul vıdeony qyzyq úshin túsirgen bolatynmyn. Keńinen taralyp ketedi dep oılamadym. Osydan 3-4 kún buryn Atyraýda 50˚S ystyq boldy. Sol ystyqty paıdalanyp, kúnniń kózine jumyrtqa pisirý degen oı keldi. Jumyrtqany arnaıy jarovnıa tabasynda pisirdim. Ol ydys tez qyzyp, boıynda ystyqty uzaq ustap turady.
Bul – burynnan bar ıdeıa. Vıdeony halyqtyń arasynda keń tarasyn degen maqsatpen túsirgen joqpyn. Túnde salynǵan vıdeony tańerteńge deıin 20-30 myń adam kórip úlgeripti. Al búgingi kúni kórgender sany 100 myńǵa deıin jetip qaldy. Kóptegen pablıkterde de júr. Bul vıdeony Atyraýdyń ystyǵy qatty bolady degen oımen túsirgen bolatynmyn», - deıdi jas aspaz.
Baǵdat Qadyrov haıp jasaýdy maqsat etpegenin de aıtyp ótti.
Budan bólek aspazdan jumysy týraly, bul mamandyqtyń «er adamdarǵa qıyndyq týǵyzbaı ma?» ekenin surap bildik.
«Bala kezden tamaq jasaýǵa ıkemim boldy. Aspaz bolýyma múmkin úıdiń úlkeni bolǵanym áser etken shyǵar. Bala kezdegi armanyma aspaz mamandyǵyna kolledjge túsý arqyly jaqyndadym. Oqýdyń arasyndaǵy praktıka kezinde tamaq pisirýge degen qyzyǵýshylyǵym odan saıyn artty. Shetelderde de jumys jasap kórdim. Mysaly, Moskva, Dýbaı, Sankt-Peterbýrg, Ýkraına, Túrik elderinde boldym. Almatydaǵy bedeldi meıramhanalarda da, Astana qalasynda da qyzmet ettim.
Jumystyń ońaıy joq. Aspaz bolý er adamǵa qıyndyq týǵyzbaıdy. Eger ózińe unaǵan mamandyq bolsa, sol jumysty istep jatqanda ózińizdi baqytty sezinseń, sonyń ózi úlken jetistik. Kez kelgen jumysty adam shynaıy nıetpen jasasa, baqyt degen sol. Osy salada kele jatqanyma 12 jyldan asty. Bastapqy 9-10 jylym tek eńbektenýmen ótti. Al keıingi 2 jylda áleýmettik jelilerde belsendi bolyp, halyqtyń arasynda tanyla bastadym», - deıdi ol.
Vıdeony osy silteme boıynsha kóre alasyz: https://www.instagram.com/bagdat_cook/?utm_source=ig_embed&ig_rid=c36ae2b4-ea2c-48b9-ac92-bf947e14e09b
Aqmaral BEREKET,
"Adyrna" ulttyq portaly
