Qyraǵylyq tanytqandar marapattaldy

1943
Adyrna.kz Telegram

Aqtóbede QR Prezıdentiniń Jarlyǵyna oraı ótken jylǵy tótenshe jaǵdaı kezinde №99235 áskerı bólimi aýmaǵynda qyzmet etken, sondaı-aq qıyndyqqa tap bolǵan jandardy qutqaryp qalǵan bir top áskerı mindettiler marapattaldy dep habarlaıdy "Adyrna" ulttyq portalynyń tilshisi.

Jıynda aýmaqtyq qorǵanys departamentiniń bastyǵy, polkovnık Rızat Kolpashev byltyr Aqtóbede karantın jaǵdaıynda qoǵamdyq qaýipsizdikti qamtamasyz etý úshin áskerı mindetti 100 azamat qyzmet etkenin, olardyń ishinde tótenshe jaǵdaı rejımin qamtamasyz etýden bólek, qıyn jaǵdaıǵa tap bolǵan jandardy ólimnen qutqaryp qalǵandar da bolǵanyn atap ótti.

Budan keıin sharada qyraǵylyq tanytyp, áskerı qyzmette erekshe kózge túsken bir top azamatqa QR Qorǵanys mınıstri Nurlan Ermekbaevtyń arnaıy Gramotasy tabystaldy.

Marapattalǵandar qatarynda aýmaqtyq qorǵanys batalonynyń jasaq bastyǵy, zapastaǵy efreıtor Baǵdat Jumaǵambetov, aýmaqtyq qorǵanys batalony rezerviniń aǵa sarbazdary, qatardaǵy jaýyngerler — Jasulan Iztileýov, Zamanbek Qaldybek, Arman Saǵynbaev, aýmaqtyq qorǵanys batalonynyń sarbazdary — Aıdos Qalybekov, Nurbaqyt Nurtaılar bar.

Sharada Qorǵanys mınıstriniń Gramotasyn alǵandardyń biri — Aqtóbe qalasyndaǵy №51 mektep-gımnazııasynyń alǵashqy áskerı jáne tehnologııalyq daıyndyq pániniń muǵalimi  Baǵdat Jumaǵambetov. Ol áskerı qyzmettik boryshyn óteý kezinde balkonnan sekirgeli turǵan áıel adamdy sýııdten aman alyp qalǵan.

"Adyrna" ulttyq portaly.

Pikirler