Fransiia bilıgı 24 qazanǧa josparlanǧan jappai narazylyq aksiialary kezınde polisiiaǧa kömektesu üşın äskeri qyzmetkerlerdı jūmyldyrady. Olar nysandardy küzetıp, qūqyq qorǧau organdarynyŋ köşelerdegı qauıpsızdıktı qamtamasyz etuıne mümkındık beredı. Būl turaly eldıŋ ışkı ıster ministrı Loran Nunes Ūlttyq assambleiada mälımdedı, dep habarlaidy «Adyrna» tılşısı.
«Bız, ärine, ışkı qauıpsızdık küşterınıŋ ornyna, eŋ aldymen, nysandardy tūraqty küzetu mındetterın oryndau üşın Sentinelle operasiiasyna qatysatyn äskeri qyzmetkerlerdı jūmyldyramyz», – dedı ministr.
Nunestıŋ aituynşa, būl şeşım demonstrasiialar kezınde qoǧamdyq tärtıptı saqtau üşın köbırek polisiia qyzmetkerı men jandarmdy tartuǧa mümkındık beredı. Sentinelle operasiiasy 2015 jylǧy qaŋtarda Parijde bolǧan bırqatar teraktıden keiın ıske qosylǧan. Operasiia aiasynda äskeri qyzmetkerler qoǧamdyq oryndar men maŋyzdy nysandardy küzetıp, köşelerdı patruldeidı.
19 qazanda Fransiia prezidentı Emmanuel Makron jappai tärtıpsızdıkterden keiın Loran Nunestıŋ otstavkasyn qabyldaudan bas tartqan edı. BFMTV telearnasynyŋ Elisei saraiyna sılteme jasap habarlauynşa, memleket basşysy ministrge jappai büldıru äreketterı men tonauşylyqtyŋ aldyn aluǧa baǧyttalǧan qosymşa şaralar äzırleudı tapsyrǧan.
Sol künı premer-ministr Sebastian Lekorniu eldıŋ jekelegen qalalarynda ışınara komendanttyq saǧat engızu turaly şeşım qabyldady. Şekteuler būǧan deiın tärtıpsızdıkter bolǧan ortalyq audandardy qamtydy.
18 qazanda Loran Nunes ömır süru qūnynyŋ ösuıne qarsy narazylyq aksiialaryna qatysqan 2000-nan astam adamnyŋ ūstalǧanyn habarlady. Onyŋ mälımetınşe, 600-den astam polisiia qyzmetkerı, jandarm men ört söndıruşı jaraqat alǧan. Sondai-aq bırneşe jüzdegen kompaniia şyǧynǧa ūşyraǧan.
