Taldyqorǵan qalasynda Almaty oblysy polıııa qyzmetkerlerine jańa páter kiltteri tabys etildi. Kásibı merekeleri qarsańynda quqyq qorǵaýshylarǵa berilgen 60 páterlik turǵyn úı «Nurly jer» baǵdarlamasymen salynǵan. Páter kiltterin qonystoı ıelerine oblys ákiminiń birinshi orynbasary Lazzat Turlashov tapsyrdy.
- Azamattardyń tynyshtyǵyn, zańdylyq pen tártipti qamtamasyz etýdegi qyzmetterińiz jemisti bolsyn. Merekege oraı quqyq qorǵaý organdary qyzmetkerlerine "Bolashaq" shaǵyn aýdanynda osy 60 páterlik úı salynyp, qoldanysqa berilgeli otyr. Taldyqorǵanda bıyl 6, 7, 8 shaǵyn aýdandarda jáne kottedj qalashyǵynda memlekettik bıýdjet jáne jeke ınvestıııa esebinen jalpy aýdany 120 myń sharshy metrden asatyn 35 kópqabatty turǵyn úı jáne 204 kottedjdiń qurylysyn aıaqtalady dep josparlanǵan. Osylaısha memlekettik baǵdarlamalar nátıjesinde halyqty turǵyn úımen qamtý jumystary jyldan jylǵa qarqyndaı túsetin bolady. Jańa shańyraq molshylyq pen birlikke toly bolsyn! Elimiz aman, jurtymyz tynysh bolyp, Jetisý jeri, Taldyqorǵan qalasy gúldene bersin! - dedi L. Turlashov óz sózinde.
Jalpy Almaty oblysynda bıyl 1 mln. sharshy metrdeı turǵyn úı paıdalanýǵa beriledi. Al Taldyqorǵannyń ózinde 120 myń sharshy metr úı halyq ıgiligine berilmek. Bıyl baspanamen qamtý máselesin sheshý úshin respýblıkalyq bıýdjetten 5,6 mlrd. teńge bólingen. Oǵan qosa jergilikti bıýdjetten 204 kottedjdi salýǵa 1,5 mlrd. teńge qarastyryldy.
