Jergilikti joldardy jóndeý isine erekshe kóńil bólinip keledi

1674
Adyrna.kz Telegram
foto ashyq aqparat kózinen alyndy
foto ashyq aqparat kózinen alyndy

Kóbinese aýdan ortalyqtaryndaǵy kóshelerge asa mán berilip, al aýyldaǵy kóshelerdiń nazardan tys qalyp jatatyny shyndyq qoı. Desek te sońǵy jyldary shalǵaıdaǵy aýyldyq eldi mekenderdiń jaǵdaıy da áldeqaıda jaqsaryp, jergilikti joldardy jóndeý isine erekshe kóńil bólinip keledi. Aıtalyq, osy ýaqytqa deıin múldem asfalt bolmaǵan kóshelerge asfalt tóselip, aýyldarǵa qatynaıtyn joldar qalypqa keltirilýde.

Úlkenaǵash aýyldyq okrýgine qarasty Áýlıeaǵash aýylynyń O.Elýbaev kóshesine 2,200 metrine asfalt tóseldi jáne B.Saınazarov kóshesine 1700 metrine shaǵyl tóseldi. Shaǵyl tóseý josparda bolmasada, jumys júrdi. Aýyl turǵyndary aýyl kóshelerine asfalt tóseýge aýqymdy úles qosqan «Maksdorstroı servıs» jaýapkershiligi shekteýli seriktestigine jáne onyń brıgadıri Sultan Baıramovqa dán rıza. Sondaı-aq jasap bergen alańdy kórkeıtýge aýyl turǵyndary da atsalysqan. Máselen, aýyldyń belsendi, óte syıly azamaty Ánýar Kúlshasharov sport zalynyń qasyndaǵy alańǵa kúl-qoqys salǵyshtar ornatyp berdi. Turǵyndar bolsa osyndaı ıgi istiń aldaǵy ýaqytta áli de jalǵasyn tabatyndyǵyna zor senim bildiredi.

Jańadan tóselgen asfaltty atalǵan aýyldyń ákimi Ermek Nurahmetulymen birge «Nur Otan» partııasy janyndaǵy sybaılas jemqorlyqqa qarsy is-qımyl jónindegi qoǵamdyq keńes tóraǵasy Qurmanjan Aýbekuly jáne aýyl turǵyndary, «Maksdorstroı servıs» jaýapkershiligi shekteýli seriktestiginiń músheleri birge aralap, kórip qaıtty. Aýyl ákimi E.Nurahmetuly aldaǵy ýaqytta osy shaǵyn alańqaıdy kórkeıtý maqsatynda shaǵyn alańqaıǵa demalýǵa yńǵaıly bolý úshin otyratyn oryndyqtar, kúzge taman jan-jaǵyna qaraǵaı otyrǵyzýǵa da nıetti ekendikterin aıtty. Munymen qosa, «Nur Otan» partııasynan Almaty oblystyq máslıhatyndaǵy VII-shi shaqyrylym depýtaty Serik Aqsýbaev aǵamyzdyń Arasan-Kóktal jolyn jasap, bolashaqta múmkindik bolsa Áýlıeaǵash okrýgine óz yqpalyn jasaımyn dep júrgendigi de aıtty. Jalpy osyndaı ıgi ister aýyl turǵyndarynyń zor qýanysh syılaıtyndyǵy anyq.

A.Hametjanova

Pikirler