8 qańtar kúni elimizdiń birneshe óńirinde aýa raıy qubylmaly bolady, dep habarlaıdy "Adyrna" tilshisi.
"Qazgıdromet" 8 qańtardaǵy aýa raıymen bólisti. Sınoptıkterdiń málimetinshe, birneshe óńirde aýa raıy kúrt ózgeredi.
Almaty oblysynda jeldiń ekpini 15-20 m/s-qa jetedi. Almaty qalasynda tańerteń jáne kúndiz tuman bolady.
Túrkistan oblysynyń keı aımaqtarynda qar jaýady. Al óńirdiń ońtústiginde tuman kútiledi. Jeldiń ekpini 25 m/s-qa deıin jetedi.
Úshinshi megapolıs Shymkentte 15-20 m/s jyldamdyqpen jel soǵady.
Mańǵystaý oblysynyń batysynda jáne soltústik-shyǵysynda túnde jáne tańerteń tuman kútilýde.
Petropavlda qarly boran soǵyp, jel turady. Al Kókshetaýda qar jaýyp, joldarda kóktaıǵaq bolady.
Aqmola oblysynyń basym bóliginde qar jaýady. Jeldiń ekpini keıde 30 m/s.
Soltústik Qazaqstan oblysynyń basym bóliginde qar jaýyp, burqasyn bolmaq. Tipti kóktaıǵaq bolady.
Pavlodar oblysynda qar jaýyp, kóktaıǵaq bolady. Pavlodarda burqasyn, kóktaıǵaq kútiledi.
