Bıyl Shymkentte 6 000 zeınetker shıpajaılarda tegin em alýǵa jiberiledi. Búgin onyń myńǵa jýyǵyna joldama berildi.
Sanatorııaǵa úshinshi ret joldama alǵan 73 jastaǵy zeınetker Sapar Aǵabekov jubaıymen bul joly Taraz qalasynda ornalasqan «Aısha bıbi» shıpajaıynda 12 kún em qabyldady.
«Aısha bıbi» keshenine jetkenimizde shıpajaı qyzmetkerleri bizdi jyly qarsy aldy. 4 mezgil tamaq berildi, munda em qabyldaýshylarǵa aıryqsha yqylas tanytýǵa tyrysyp turady eken. Maǵan unaǵany, saz balshyqpen emdeý. Býyn aýrýlary men sýyq tıgenge kóp kómegin tıgizdi, - dedi Sapar Aǵabekov.
Aıta keteıik, zeınetkerlerge joldama qunyna 50% jeńildik jasalady. Azamattar ıaǵnı, memleket tarapynan 6 kún tegin qyzmet alyp, unaǵan jaǵdaıda qalǵan 6 kúnniń aqysyn óz qaltasynan tólep shıpajaıda qala alady.
Qazirgi tańda 80 jastan asqan qarttarǵa aı saıyn 5 834 teńgeden áleýmettik tólem tólenedi. Odan ózge «úıde qyzmet kórsetý» kómegi qarastyrylǵan.
Shymkent qalasy ákimdiginiń baspasóz qyzmeti
