لۋكاشەنكو: كىم ءبىزدىڭ سوعىسپايتىنىمىزعا كەپىلدىك بەرەدى؟

3267
Adyrna.kz Telegram

بەلارۋسسيا پرەزيدەنتى سوعىس كەز-كەلگەن ساتتە باستالۋى مۇمكىن ەكەنىن ايتتى، دەپ حابارلايدى "ادىرنا" ۇلتتىق پورتالى.

بەلتا اتاپ وتكەندەي، ول بۇل تۋرالى ۋستەدە وندىرىستىك-تەحنيكالىق كلاستەرگە بارعان كەزدە ايتتى.

"كىم ءبىزدىڭ سوعىسپايتىنىمىزعا كەپىلدىك بەرەدى؟ ءسىز دە، مەن دە ەشكىم كەپىلدىك بەرە المايمىز. جالپى الەم ەسىنەن اداسىپ بارادى. سوعىس كەز-كەلگەن ساتتە، كەز-كەلگەن ۋاقىتتا باستالۋى مۇمكىن، بىزدە بولۋدان قۇداي ساقتاسىن، - دەدى ول.

سونىمەن قاتار، لۋكاشەنكو حالىقتى اتىس قارۋىمەن جۇمىس ىستەۋ داعدىلارىنا ۇيرەتۋدىڭ ماڭىزدىلىعىن ەسكە ءتۇسىردى.

"ارينە، قارۋلى كۇشتەردە وقىعاندار قارۋمەن جۇمىس ىستەۋ داعدىلارىنا ماشىقتانعان، بىراق اسكەرگە شاقىرىلماعانداردىڭ سانى دا ەداۋىر. مىنە سولارعا نازار اۋدارعانىڭىز ءجون. نەگە ستۋدەنتتەردى جانە باسقالاردى قىزىقتىرىپ، ولارعا مىلتىق قولدانۋدى، اۆتومات جيناۋدى، بولشەكتەۋدى، اتۋدى ۇيرەتپەسكە؟ ەل باسىنا قاتەر توڭگەن ۋاقىتتا مايدان دالاسىندا سول دۇنيەلەردى ۇيرەنىپ جاتپاس ءۇشىن، وسى باستان ءار ەر ازاماتتىڭ بىلگەنى ءجون", دەدى پرەزيدەنت.

"ادىرنا" ۇلتتىق پورتالى

پىكىرلەر