Qazaqstan syrtqy ıster ministrlıgı AQŞ-tyŋ qazaqstandyq tauarlardyŋ bır bölıgıne 12,5 paiyz kölemınde qosymşa importtyq baj salyǧyn engızuge qatysty tüsınıkteme berdı, dep habarlaidy "Adyrna" ūlttyq portaly.
Tengrinews deregınşe, atalǧan şara arnaiy Qazaqstanǧa qarsy baǧyttalmaǧan jäne AQŞ-tyŋ keŋ auqymdy sauda saiasaty aiasynda qabyldanǧan.
SIM jaŋa bajdar 2026 jyldyŋ aqpan aiynan bastap AQŞ-tyŋ 1974 jylǧy Sauda turaly zaŋynyŋ 122-bölımı negızınde engızılgen 10 paiyzdyq uaqytşa ämbebap importtyq üsteme bajdyŋ ornyna qoldanylyp otyrǧanyn habarlady. Ministrlık Qazaqstan tarapy būl özgerıster turaly aldyn ala habardar bolǧanyn jäne amerikalyq tarappen tiıstı konsultasiialar ötkızılgenın atap öttı. Kezdesuler barysynda sauda jäne integrasiia ministrlıgı Qazaqstandaǧy eŋbek zaŋnamasy men mäjbürlı eŋbekke qarsy qabyldanyp jatqan şaralar jönınde aqparat ūsynǧan.
AQŞ sauda ökıldıgı qorytyndysyna säikes, Qazaqstan mäjbürlı eŋbek arqyly öndırılgen tauarlardyŋ importyna jeke tyiym salynbaǧan elderdıŋ qataryna engızılgen.
Syrtqy ıster ministrlıgınıŋ tüsındıruınşe, AQŞ qabyldaǧan şeşım Qazaqstandaǧy üşınşı elderden keletın tiıstı önımder importyna baqylau tetıkterın baǧalauǧa bailanysty. Sonymen qatar vedomstvo Qazaqstannyŋ mäjbürlı eŋbektı joiu jönındegı halyqaralyq mındettemelerdı däiektı türde oryndap kele jatqanyn, Halyqaralyq eŋbek ūiymy men özge de köpjaqty tetıkter aiasyndaǧy jūmysty jalǧastyratynyn jetkızdı.
Ministrlık būl şeşımnıŋ tek Qazaqstanǧa ǧana qatysty emes ekenın de atap öttı.
«AQŞ Sauda ökıldıgınıŋ şeşımı AQŞ importynyŋ 99,4 paiyzyn qūraityn 60 ekonomikaǧa qoldanylady. Sondyqtan būl şara Qazaqstanǧa ǧana baǧyttalǧan emes, amerikalyq äkımşılıktıŋ jalpy sauda saiasatynyŋ bır bölıgı», – delıngen SIM habarlamasynda.
