QS World University Rankings qazaqstandyq ýnıversıtetterden jalǵan statıstıka alyp júr me?

3862
Adyrna.kz Telegram

         Jaqynda Quacquarelli Symonds (QS) halyqaralyq reıtıng agenttigi 2022 jylǵy úzdik ýnıversıtetterdiń tizimin jarııalady. Akademııalyq reıtıngke qazaqstandyq 14 oqý orny endi. Shynymen qazaqstandyq ýnıversıtetter álemdik alma-materlerdiń deńgeıinde me? Álde QS  oqý oryndarynan jalǵan statıstıka alyp, aldanyp júr me? Osy oraıda, bilim berý salasynyń sarapshylary Media CLUB QAZAQSTAN platformasynda atalǵan reıtıngtiń qanshalyqty durys ótkiziletinin talqylady.

Reıtıngtegi joǵary oqý oryndarynyń pozıııasyn anyqtaý kezinde akademııalyq toptar men jumys berýshi uıym ókilderinen jınalǵan saýalnamalardyń nátıjeleri, sondaı-aq 2015 jyldan bastap 2019 jylǵa deıingi kezeńdegi 14,7 mıllıon jarııalanym eskerilgen.  Biraq Akademııalyq adaldyq lıgasy Hatshylyǵynyń basshysy Iakov Voronkovtyń aıtýynsha, bul reıtıngke qatysty kóptegen daýly máseleler bar.

«QS reıtıngindegi 40% qurylym ýnıversıtettiń  akademııalyq bedelinen turady. Akademııalyq bedelin anyqtaý úshin sarapshylar arasynda saýalnama júrgiziledi. Sáıkesinshe oqý oryndary sol sarapshylarmen naqty jumys istep, ózin madaqtaýdy, jaqsy pikir jazýdy suraıdy.  Al 20% qurylymy - muǵalimderdiń dáıeksózi. Jaqynda ǵana Máskeýdegi oqý ornynyń biri maqtap maqalalar jazýmen  aınalysatyn zertteýshi muǵalimdi «satyp» alǵany belgili boldy.  QS reıtınginde jumys berýshilerden de saýalnama alady. Degenmen, bul reıtıngtiń ádildigine qatysty suraqtar kóp», - dedi Iakov Voronkov.

Esterińizde bolsa, «Atameken» UQP ótken jyly óz tizimin jarııalaǵan bolatyn. Olar túlekterdiń jumysqa ornalasýy men jalaqylarynyń kólemine negizdele otyryp baǵa bergen.  Bul tizimniń alǵashqy bestiginde álemdik reıtıngti baǵyndyrǵan joǵary oqý oryndary joq. Osy oraıda, QR «Atameken» UQP jarııalaǵan reıtıngte birinshi oryn alǵan M.S. Nárikbaev atyndaǵy KAZGIýÝ Ýnıversıteti Basqarma tóraǵasy Talǵat Nárikbaev bylaı deıdi.

«QS óz reıtınginiń nátıjesin JOO bergen aqparatqa súıenip shyǵarady, olar ony qaıta teksermeıdi. Birinshi kezekte bilim  sapasyn arttyryp, reıtıng sońynan qýmaǵan abzal»,- deıdi Talǵat Nárikbaev.

Pikirler