"Kúndelikti" toltyrý úshin kórshi aýyl men taý-tasty aralaǵan ustazdar máselesi sheshiletini habarlandy. Túrkistan oblysy, Qazyǵurt aýdany, Aqqum aýylynda ınternet sapasy jaqsaratyn boldy, dep habarlaıdy "Adyrna" ulttyq portaly.
ıfrlyq damý, ınnovaııalar jáne aeroǵarysh ónerkásibi mınıstrligi bul jaǵdaıǵa qatysty pikir bildirdi. Olardyń málimetinshe, "Transtelekom" kompanııasymen birge atalǵan aýyldaǵy baılanys jáne ınternet sapasyn jaqsartýdy qolǵa alady.
«Transtelekom» AQ Túrkistan oblysynyń Aqqum aýylynda sekýndyna 20 Mbıt-ke deıin ınternetpen jáne radıorelelik kópir tehnologııasy boıynsha lımıtsiz trafıkpen qamtamasyz etý jumystaryn júrgizedi», - dep atap ótti ıfrlyq damý mınıstrliginen.
Aıta keterligi, ıfrlyq damý mınıstrligi baılanys salasynda «Qoljetimdi ınternet» ulttyq jobasyn ázirledi. Atalǵan joba aıasynda Aqqum aýylyn qosa alǵanda 3 myńnan astam eldi mekendi talshyqty-optıkalyq baılanys jelisi qyzmetimen qamtamasyz etý jónindegi is-shara qarastyrylǵan.
Buǵan deıin ıfrlyq damý, ınnovaııalar jáne aeroǵarysh ónerkásibi mınıstri Baǵdat Mýsınge Qazaqstandaǵy ınternet pen baılanys sapasy týraly birneshe saýal qoıylǵan bolatyn. Astana men Tokıodaǵy ınternet jyldamdyǵyn salystyrýdan bas tartqan mınıstrge taǵy da birneshe suraq qoıylǵan bolatyn. Al mınıstr 5G baılanysy aýyldyq jerlerge enip jatqan joq ekenin aıtady. Bazalyq stanııany ornatý ázirge tek mańyzdy qalalar men oblystarda júzege aspaq.
Eske sala keteıik, ınternet salǵan sarsańǵa qatysty aýyldaǵy bastaýysh synyp muǵalimi Quralaı Qojabergenova:
- ...Jurt kúledi Aqqumnyń muǵalimderi syǵan sııaqty júredi nemese qydyryp júredi dep. "Bularǵa rahat" deıdi. Bizge rahat emes. Qaraýsyz bala-shaǵa. Mektepte otyrsaq jaqsy emes pe, kóp nárse isteımiz ǵoı. Ýaqyttyń bári jolǵa ketedi. Qaıtarda jaıaý-jalpy qaıtamyz. Biz mektepte ne úıde emespiz. Aqqum muǵalimderi syǵandar sııaqty dep kelekeleıdi,nemese bizdiń qalaı demalyp jatqanymyzdy qarańyzdar deıdi. Biraq kúlýge de ýaqytymyz joq, - degen edi.
"Adyrna" ulttyq portaly
