Adamdar bir birin úı kıimmen júrgennen, shashyn ádemilep órmeı qalǵannan joǵaltpaıdy. Adamdar bir birin qartaıǵannan, sulýlyqtan aıyrylǵannan joǵaltpaıdy.
Adamdar ózimshildikke shekten tys berilgen kezde bir birin joǵaltady. Eshkim menen ketkisi kelmeıdi degen oıdan eń jaqyndarymyzdan aıyrylyp qalamyz. Keıde bir shańyraqtyń astynda turyp jatsaq ta jalǵyzdyqtyń túrli reńkin sezinemiz. Suramaǵanda, senbegende, ótinbegende joǵaltamyz. Talap etip, baqylap, kesir oıdy ýshyqtyrǵanda joǵaltamyz. Bir birimizge meıirim tógýdi doǵarǵanda joǵaltamyz. Qaıǵyny bólisýdi, qýanyshta birge qýanýdy bilmegende joǵaltamyz.
Kúıbeń tirlik, qarbalas jumys, tar jol-taıǵaq keshýden ótip, sol bir janǵa talpynǵanda, onyń oıyńdaǵydaı bolmaýy da sonshalyqty mańyzdy emes. Ony bári biledi. Súıgen jannyń kózine bir qaraǵannan talaı kúngi sharshaýyń basylatyny qandaı ǵanıbet...
Seni túsinip, seniń jaǵyńa shyǵatyn, seni estı biletin, der kezinde qamqor bola alatyn, ýaqytyn bóletin, kóńilin bildiretin jannyń ár ájimi súıkimdi. Eleýsiz kórinetin, biraq únemi seziletin meıirim bar jerde mineý, synaý keńistikke sińip, joıylatyndaı. Dúnıe dúr silkinip jatsa da, ekeý bir birine adal kezde sezim tiri qalmaq, ómir bútindiginen aıyrylmaq emes.
Súıgenderińnen ajyramańdar. Sezimderińdi sýytpańdar.
© Lılıa Grad
Aýdarǵan Shynar Ábilda
