Elbasynyń jarlyǵyna sáıkes 1997 jyldan beri 31 - mamyr kúni Qazaqstanda saıası qýǵyn-súrgin qurbandaryn eske alý kúni atap ótiledi. Al, 2003 jyldan bastap osy sanattaǵy azamattarǵa áleýmettik qoldaý retinde birjolǵy aqshalaı tólem tólenip kelgen.
Bıylǵy jyly da osy dástúr boıynsha jergilikti máslıhattyń sheshimine sáıkes Shymkenttegi 1306 azamatqa 5 AEK ıaǵnı, 14 585 teńgeden birjolǵy qarjylaı kómek berildi. Bul úshin bıýdjetten 19 mln teńgeden astam qarjy bólindi. Bul týraly Shymkent qalalyq jumyspen qamtý jáne áleýmettik qorǵaý basqarmasy málimdedi.
1921-1954 jyldar aralyǵynda Qazaqstanda 100 myń adam sottalyp, 25 myń adamǵa joǵary jazalaý sharasy – atý jazasy qoldanyldy.
Shymkent qalasy ákimdiginiń baspasóz qyzmeti
