Foto:Gov.kz
2026 jylǧy 13–14 mamyr künderı Reseidıŋ Qazan qalasynda ICESCO Bas konferensiiasynyŋ 15-sessiiasy öttı. Halyqaralyq jiynǧa ūiymǧa müşe 53 memlekettıŋ ökılderı qatysqan.
Qazaqstan Mädeniet jäne aqparat ministrlıgınıŋ mälımetınşe, konferensiia barysynda ICESCO-nyŋ 2020–2025 jyldar aralyǧyndaǧy qyzmetınıŋ qorytyndylary qaralyp, 2026–2029 jyldarǧa arnalǧan strategiialyq damu jospary talqylandy. Qūjatta ūiymnyŋ bılım, ǧylym jäne mädeniet salalaryndaǧy aldaǧy basym baǧyttary aiqyndalǧan.
Forum aiasynda Qazaqstan üşın maŋyzdy bastamalardyŋ bırı jariialandy. Atap aitqanda, Türkıstan qalasy 2027 jyly islam älemınıŋ mädeni astanasy märtebesın aluǧa ümıtker retınde ūsynyldy.
Konferensiiada söz söilegen Qazaqstan Respublikasynyŋ Mädeniet jäne aqparat vise-ministrı Rustam Äli soŋǧy jyldary Qazaqstannyŋ mädeni mūralary islam älemı deŋgeiınde keŋınen tanylyp kele jatqanyn atap öttı. Onyŋ aituynşa, ICESCO-nyŋ islam älemı mūralary tızımıne elımızden «Toǧyzqūmalaq» dästürlı oiyny, «Oiu-Örnek» önerı jäne «Qarmaqşy jyraulary» auyzşa poeziia dästürı engızılgen.
Sonymen qatar Qazaqstan tarapy 2026 jyly Almaty qalasynda äl-Farabidıŋ adamzat örkenietıne qosqan ülesıne arnalǧan II halyqaralyq konferensiia ötetının mälımdedı. Is-şara ICESCO ūiymymen bırlesıp ūiymdastyrylady.
Aita keteiık, ICESCO Bas konferensiiasy tört jylda bır ret ötkızıledı. Biylǧy jiyn gibridtı formatta ūiymdastyrylyp, halyqaralyq mädeni jäne ǧylymi yntymaqtastyqty nyǧaitu mäselelerıne basymdyq berıldı.
