Aýyr jaza 10 jyl: Astana LRT isi boıynsha úkim shyqty

3310
Adyrna.kz Telegram

28 mamyrda Nur-Sultan qalasynyń qylmystyq ister jónindegi mamandandyrylǵan aýdanaralyq sotynda «Astana LRT» jobasy boıynsha aıyptalǵandarǵa úkim aıtyldy, dep habarlaıdy «Adyrna» ulttyq portaly.

Sot úkimi boıynsha:

- Nur-Sultan qalasynyń jolaýshylar kóligi jáne avtomobıl joldary basqarmasynyń burynǵy jetekshisi Rashıd Amanjolov 10 jylǵa bas bostandyǵynan aıyryldy. Oǵan memlekettik qyzmetpen aınalysýyna tyıym salyndy. Qaýipsizdigi joǵary mekemede, ıaǵnı qatań rejımdegi kolonııada jazasyn óteıdi;

- Nur-Sultan qalalyq máslıhatynyń hatshysy, burynǵy depýtat Janat Nurpeıisov 8 jylǵa bas bostandyǵynan aıyryldy. Bes jyl memlekettik qyzmetpen aınalysýyna tyıym salyndy. Qaýipsizdigi ortasha mekemede jazasyn óteıdi;

- Astana Innovations kompanııasy basqarmasynyń burynǵy tóraǵasy Talǵat Áshim 7 jylǵa bas bostandyǵynan aıyryldy;

- Enshiles kompanııa ókili Ulyqbek Achılovqa 8 jyl túrme jazasy berildi. Qylmysker qaýipsizdigi ortasha mekemede jazasyn óteıdi. Sonymen qatar ol 642 myń teńge memleketke tóleýge mindetti boldy;

- Enshiles kompanııa ókili Tımýr Qasabaev 8 jylǵa bas bostandyǵynan aıyryldy. Qaýipsizdigi ortasha mekemede jazasyn óteıdi. Ol memleket qazynasyna 574 myń teńge tóleýi tıis;

- Enshiles kompanııa ókili Dýlat Músenov 7 jylǵa bas bostandyǵynan aıyryldy. Ol memleketke 649 myń teńge tóleýge mindetteldi;

- Enshiles kompanııa ókili Dáýren Ábdihamıtov 8 jylǵa bas bostandyǵynan aıyryldy. Ol memleketke 15 mln teńge tóleýi tıis. Sondaı-aq ol qaýipsizdigi ortasha mekemede jazasyn óteıdi.

Sot úkimi kúshine engen joq, eki taraptyń apellıaııalyq shaǵym túsirýge múmkindigi bar.

"Adyrna" ulttyq portaly

Pikirler