Aqtóbe oblystyq polıııa departamentiniń muraǵatynda qýǵyn-súrginge ushyraǵan tulǵalarǵa, Germanııadan oralǵan jáne áskerı tutqyndarǵa, burynǵy Keńestik Soıalıstik Respýblıkalar Odaǵy azamattaryna arnalǵan qujattar saqtalýda dep habarlaıdy "Adyrna" ulttyq portalynyń tilshisi.
Búginde atalǵan muraǵatta 13 myńnan astam qujat bar. Atap aıtsaq, munda "aqtalýǵa jatpaıtyn tulǵalardyń muraǵattyq qylmystyq isteri" boıynsha - 617, "qýǵyn - súrginge ushyraǵan, sot organdarymen aqtalǵan azamattarǵa qatysty muraǵattyq qylmystyq ister" boıynsha - 9936 jáne "burynǵy áskerı tutqyndar men Germanııadan oralǵan burynǵy KSRO azamattarynyń materıaldary" boıynsha 2520 qujat saqtalǵan.
Bıyl departamenttiń arnaıy memlekettik muraǵatyna qýǵyn-súrginge ushyraǵan tulǵalardyń týystarynan 76 ótinish pen suraý túsken. Onyń barlyǵyna oń jaýap berilgen.
Sondaı-aq turǵyndarǵa 7 muraǵattyq anyqtama jáne 150 muraǵattyq qujattyń kóshirmesi berilipti. Onyń ishinde jaqyn jáne alys shetelderden jeke jáne zańdy tulǵalardan 7 ótinish tústi, onyń ishinde beseýi —TMD elderinen.
Memlekettik qyzmet kórsetý sheńberinde Aqtóbe oblystyq polıııa departamenti arnaıy memlekettik muraǵaty qýǵyn-súrginge ushyraǵan adamdardyń muraǵattyq anyqtamalaryn, qujattardyń kóshirmelerin, qujattardan úzindilerdi, sondaı-aq olardyń túpnusqa jeke qujattaryn ne olardyń kóshirmelerin ótinish berýshilerge nemese olardyń senim bildirilgen tulǵalaryna (senim bildirilgen adamdardyń jeke basyn kýálandyratyn qujattardy, sondaı-aq notarıat kýálandyrǵan senimhatty usynǵannan keıin) beredi. Muraǵattyq qylmystyq istermen tanysqan adamdardan mindetti túrde tanystyrylǵany jáne iske qatysy bar adamdar men olardyń jaqyndarynyń quqyqtary men zańdy múddelerine nuqsan keltiretin málimetterdi paıdalanýǵa tyıym salynǵany týraly qolhat alynady.
Qýǵyn-súrginge ushyraǵan adamdardy atý jáne jerleý orny týraly málimetter muraǵattyq qylmystyq iste joq. Alaıda 20-50 jyldary qýǵyn-súrginge ushyraǵan azamattardy jappaı jerleýdiń resmı orny Aqtóbe oblysynyń aýmaǵynda Rodnıkovka aýylynan Orsk trassasy boıynsha 21 km jerde ornalasqan "Túıe taýy" ("Túıe tóbe") shyńynyń etegi bolyp sanalady.
Eki jyl buryn Reseı Federaııasynyń 28 jastaǵy turǵyny Roman Zavadovskıı otbasylyq aǵash jasaǵysy kelipti. Alaıda ol óziniń úlken atasy Ivan Zavadovskıı týraly eshqandaı aqparat taba almaǵan. Keıin Roman "Memorıal" saıtynda izdeýdi bastaǵan. Bıyl 23 qańtarda ol Novosıbırskiden Aqtóbe oblysynyń polıııa departamentine kelip, oǵan muraǵat qujattaryn, atasynyń fotosýretteri berildi. Muraǵatta Ivan Zavadovskııdiń 20 fotosýreti bar, olardyń sapasy shóbereni tań qaldyrdy. Belgili bolǵandaı, 1989 jyly KSRO Joǵarǵy Keńesiniń Jarlyǵymen Zavadovskıı Ivan Vladımırovıch qaıtys bolǵannan keıin aqtalǵan.
Aıta ketý kerek, bul aqparattar myńdaǵan adamdarǵa týystarynyń taǵdyry týraly aqparat tabý úshin qajet. Sondyqtan qandaı da bir aqparat qajet bolsa, Aqtóbe oblystyq polıııa departamentine habarlasýlaryńyzǵa bolady.
"Adyrna" ulttyq portaly.
