Qazaqstandyqtardyń aılyǵy 300 myń teńgeden asatyn bolady

5007

Qazaqstandyqtardyń ortasha aılyǵy 5 jyldan keıin 300 myń teńgeden asady. Bul boljamdy ulttyq ekonomıka mınıstrligi málimdedi, dep habarlaıdy «Adyrna» ulttyq portaly.

Josparǵa sáıkes, bıylǵy ortasha aılyq jalaqy 225,5 myń teńge bolsa, 2026 jylǵa qaraı ol 313 myń tenge deıin kóteriledi.

Sonymen qatar jumys kúshiniń sany 2021 jylǵy 9,3 mln adamnan 2026 jyly 9,8 mln adamǵa deıin ósedi (barlyǵy 19,9 mln adam bolady). Onyń ishinde bes jyldan keıin 9,3 mln adam jumyspen qamtylady.

Al jumyssyz adamdar sany 455,7 myń adamnan 459,7 myń adamǵa deıin artady. Bul jumyssyzdyqtyń jalpy deńgeıi 4,7%-ǵa deıin tómendeıdi degendi bildiredi.

Sondaı-aq boljamǵa sáıkes, eń tómengi bazalyq zeınetaqy bıylǵy 18,5 myń teńgeden 2026 jyly 22,7 myń teńgege deıin ulǵaıýǵa tıis. Eń tómengi zeınetaqy 43,3 myń teńgeden 58,4 myń teńgege deıin artady.

Eń tómengi kúnkóris deńgeıi 2026 jyly 42,1 myń teńge (2021 jyly 34,3 myń teńge) deńgeıinde bolady dep boljanyp otyr. Tabysy osy deńgeıden tómen halyqtyń úlesi qazirgi ýaqytta 5,4%-dan 5,2%-ǵa deıin azaıady.

"Adyrna" ulttyq portaly

Pikirler
Redakııa tańdaýy