Resmi derekterge säikes nauryz aiynyŋ basynda Qytaidyŋ soltüstık-batysyndaǧy Şyŋjaŋ-Ūiǧyr avtonomiialyq audanynda joǧalyp ketken 13 jastaǧy balanyŋ denesı tabylǧan. Beiresmi derekter boiynşa adam saudasymen ainalysatyn qylmystyq top balanyŋ aǧzasyn alyp, özın öluge dalaǧa tastap ketken.
13 jastaǧy Abdulla Rahmanjan Ile-Qazaq avtonomiialy oblysyndaǧy Qūlja qalasynyŋ maŋyndaǧy Uchon aulyndaǧy orta mektepke bara jatqan jolda joǧalyp ketken. Oqiǧa 2-nauryz künı bolǧan. Balanyŋ joǧalyp ketkenı jaily jergılıktı halyq arasynda aqparat tarap, äleumettık jelılerde habarlama berılgen.
Bırneşe künnen keiın qytai tılındegı habarlama taratatyn WeChat qosymşasynda balanyŋ denesı ien dalada tabylǧany, onyŋ aǧzasyn adam saudasymen ainalysatyndar alǧany jaily aqparat taraidy. Aqparatpen bırge balanyŋ otbasy onyŋ denesın tapqan sätı beinelengen video jaryqqa şyǧady.
Aqparattyŋ rastyǧyn tekseru üşın RFA agenttıgınıŋ qyzmetkerlerı Uchon auylynyŋ bırneşe tūrǧynynan pıkır alady. Olar atalmyş oqiǧanyŋ bolǧanyn rastaǧan. Qūlja polisiiasy aqparatty rastap, atalmyş oqiǧa boiynşa tergeu-tekseru jūmystary bastalǧanyn jetkızgen. Būl oqiǧadan keiın atalmyş aimaqta küzet küşeitılıp, balalarǧa saq bolu turaly arnaiy nūsqaulyqtar aitylǧan.
2017 jyldan bastap Qytaidyŋ Şyŋjaŋ aimaǧynda az ūlttarǧa qysym saiasaty artty. Olardyŋ ışınde qazaq, ūiǧyr, qyrǧyz jäne basqa da ūlttar bar. Beiresmi derekter boiynşa 1.8 mln adam saiasi tärbileu lagerlerınde otyr. Al lagerge qamalǧandardyŋ balalary köp jaǧdaida memleket baqylauyna ötedı nemese otbasynyŋ qart müşelerıne berıledı. Sondyqtan qaiǧyly oqiǧalar sany artqan.
"Adyrna" ūlttyq portaly
