Nur-Sultanda 25 mamyrǵa qaraı koronavırýs juqtyrǵan adamdardyń sany kóbeıýi múmkin. Qoǵamdyq densaýlyq saqtaý basqarmasynyń basshysy Álııa Rústemova osyndaı boljam jasady, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
Onyń aıtýynsha, sońǵy bir aptanyń ishinde COVID-19 juqtyrý jaǵdaılary birshama azaıdy. Staıonarǵa túsip jatqan naýqastardyń sany da kóp emes.
«Degenmen qaýip áli de bar. Sebebi saýda ortalyqtary ashyq, adamdar bir-birimen tyǵyz qarym-qatynas jasap júr. Ásirese, mereke kúnderi jaqyn aralasty. 1 mamyrda, odan keıin 9 mamyrda demaldyq, qydyrdyq.14 kúnnen keıin, shamamen 25-ine qaraı naýqastardyń sany qaıtadan ósip, ınfekııa órship ketýi múmkin. Alaıda osy aptada vırýsty juqtyrǵandar birshama azaıdy», - dedi Rústemova Sputnik Qazaqstannyń mýltımedııalyq baspasóz ortalyǵynda ótken brıfıngte.
Basqarma basshysy astanada koronavırýsqa qarsy vakına saldyrtatyn adamdardyń azaıǵanyn da málimdedi.
«Sáýir-mamyr aılarynda adam kóp keldi. Bir táýlikte ekpeniń birinshi komponenti shamamen 6-7 myń adamǵa salynatyn. Búginde aıtarlyqtaı azaıdy. Ótken táýlikte 2,5 adam ǵana vakına saldyrdy. Jalpy respýblıka boıynsha ekpe alǵysy keletinderdiń sany azaıyp keledi. Sebebin bilmeımin. Bálkim, sáýir aıynda vakınanyń qajettiligin túsinetin halyqty qamtydyq», - dep atap ótti Rústemova.
Aıta keteıik, Qazaqstanda sońǵy bir táýliktiń ishinde 2 433 adamnyń koronavırýs juqtyrǵany PTR-testpen rastaldy. Sonyń ishinde astanada 439 naýqas tirkeldi.
Búginde Nur-Sultanda vakınalaý pýnktteri saýda ortalyqtarynda ashylǵan. Olar – Mega Silk Way, Keruen, «Han Shatyr», «Abý-Dabı Plaza», «Azııa Park», «Bıg Shanhaı», Ortalyq bazar, «Artem» men «Álem».
"Adyrna" ulttyq portaly
