Qazaqstan jaqyn arada mūnai öndıru kölemın jylyna 100 million tonnaǧa jetkızudı josparlap otyr. Būl turaly el prezidentı Qasym-Jomart Toqaev mälımdedı, dep habarlaidy “Adyrna”.
«Belgılı bolǧandai, mūnai men gaz – bızdıŋ strategiialyq maŋyzdy resurstarymyz. Mūnai salasy eldıŋ damuyna erekşe üles qosty. Täuelsızdık jyldarynda bız «qara altynnyŋ» qūndylyǧyn tolyq sezındık. Bügıngı taŋda būl sala qarqyndy damyp keledı. Qazaqstan älemdık mūnai naryǧynda köşbasşy elderdıŋ qatarynda. Elımızde mūnai öndıru kölemı tört ese artty jäne jaqyn arada jylyna 100 million tonnaǧa jetedı», – dedı memleket basşysy.
Toqaevtyŋ aituynşa, kömırsutekter älı de älemdık energetikada, sonyŋ ışınde Qazaqstan energetikasynda basty röl atqara beredı.
«Bırqatar elderdıŋ, sonyŋ ışınde Europa elderınıŋ täjıribesı körsetıp otyrǧandai, balamaly energiia közderı qosalqy qyzmet atqara alady», – dedı ol Mūnaişylar künı qarsaŋynda ötken saltanatty jiynda mūnai salasy qyzmetkerlerın qūttyqtai otyryp.
Prezidenttıŋ aituynşa, otandyq mūnai-gaz keşenı aldynda tūrǧan maŋyzdy mındetterdıŋ bırı – tehnologiialyq jaŋǧyrtu, sonyŋ ışınde jasandy intellektını engızu.
«Zamanaui tehnologiialar mūnai men mūnai önımderın öndırudı, tasymaldaudy jäne öŋdeudı oŋtailandyruǧa yqpal etuı kerek. Otandyq mūnai-gaz industriiasy qazırgı zaman talaptaryna sai boluy tiıs. Salaǧa ekologiialyq taza ärı ozyq tehnologiialardy engızu asa maŋyzdy. Geologiialyq barlau jūmystaryn jandandyryp, jaŋa ken oryndaryn aşuǧa basa nazar audaru qajet», – dedı ol.
Sonymen qatar, memleket basşysy mūnai-gaz salasyn ärı qarai damytu üşın bılıktı kadrlar daiarlaudyŋ maŋyzdylyǧyn atap öttı. Onyŋ aituynşa, bügınde Qazaqstannyŋ mūnai-gaz salasynda 200 myŋnan astam adam eŋbek etedı.
