Egipet prezidentı Abdel Fattah äs-Sisi aimaqtaǧy äskeri äreketter aiaqtalǧannan keiın Gaza sektoryn qalpyna keltıruge 500 million dollar böluge uäde berdı. Būl oqiǧa İzraildıŋ Palestina anklavyna qarsy qarqyndy şabuyldarynyŋ ekınşı aptasynda evrei memleketıne üzdıksız jasalǧan zymyrandyq şabuyldarǧa jauap retınde boldy, dep habarlaidy "Adyrna" ūlttyq portaly. Būl turaly France-Presse jazǧan bolatyn.
«Egipet soŋǧy oqiǧalar nätijesınde Gaza sektoryn qalpyna keltıru üderısıne 500 million dollar böledı. Sonymen bırge qalpyna keltırudı täjıribelı mysyrlyq qūrylys kompaniialary jürgızedı», - delıngen ırı arab respublikasy basşysynyŋ keŋsesınde.Soŋǧy künderı Kair, İzrail men Gazada äreket etetın palestinalyq toptar arasynda deldal bolyp, aimaqta bıtım ornatudy közdedı. Egipet basşysy qazır Parijde fransuz ärıptesı Emmanuel Makronmen jäne İordaniia korolı Abdalla IImen atysty tez toqtatu turaly kelıssözder jürgızude. Abdel Fattah as-Sisi būdan būryn zombylyq äreketterdı tezırek toqtatu kerek jäne Palestina halqynyŋ qūqyqtary men täuelsız Palestina memleketın qūruǧa kepıldık beretın şeşım şyǧaru kerek dedı. Resei prezidentı Vladimir Putin de seisenbı künı izraildıkter men palestinalyqtardy ekı jaqtyŋ köptegen qūrbandary men jaraqattaryna, adam şyǧynyna alyp kelgen äskeri äreketterdı toqtatuǧa şaqyrdy. Esterıŋızge sala keteiık, qaruly qaqtyǧys 10 mamyrda Şyǧys İerusalimde arabtar men İzrail polisiiasynyŋ qaqtyǧysynan keiın bastalǧan bolatyn.
"Adyrna" ūlttyq portaly
Ūqsas jaŋalyqtar
