Uly Otan soǵysynyń 123 ardagerine Jeńis kúnine oraı Almatyda mıllıon teńge tólenedi, dep habarlaıdy "Adyrna" ulttyq portaly.
"2021 jyly 30 sáýirde Almaty qalasy máslıhatynyń IV sessııasynda depýtattar Jeńistiń 76 jyldyǵyna oraı Uly Otan soǵysy ardagerlerine birjolǵy áleýmettik kómek tóleý týraly usynysty qoldady. Áleýmettik kómek tólemi mıllıon teńgeni quraıdy jáne eńbek maıdanyna qatysýshylarǵa, beıbit ýaqytta qaza tapqan ardagerlerdiń jubaılaryna birjolǵy 50 myń teńge tólem tólenedi", dep habarlady ákimdikte.
Bıylǵy jyly jergilikti bıýdjetten 17 myń adamǵa bir rettik tólemder tólenedi. Ekinshi dúnıejúzilik soǵysqa qatysýshylar men múgedekter, olarǵa teńestirilgen adamdar, eńbek maıdanynyń qatysýshylary jáne basqa sanattaǵylarǵa.
123 Uly Otan soǵysynyń qatysýshylary men múgedekterine árqaısysy 1 mıllıon teńgeden, shamamen 4 myń adam - árqaısysy 100 myń teńgeden jáne 12 myńnan astam adam - árqaısysy 50 myń teńgeden alady.
- Uly Otan soǵysynyń qatysýshylary men múgedekterine 1 mıllıon teńge (123 adamǵa 123 mıllıon teńge);
- Uly Otan soǵysynyń qatysýshylary men múgedekterine jeńildikter men kepildikterge teńestirilgen adamdarǵa, árqaısysy 100 myń teńgeden (1 709 adamǵa 170,9 mıllıon teńge);
basqa memleketter aýmaǵyndaǵy soǵys qımyldarynyń ardagerleri - 100 myń teńge (2725 adamǵa 272,5 mln. teńge); - Uly Otan soǵysynda qaıtys bolǵan (habar-osharsyz ketken), qaıta turmysqa shyqpaǵan jaýyngerlerdiń jesirleri, 100 myń teńge (1 adamǵa 0,1 mln. teńge);
- Aýǵanstandaǵy urys qımyldary kezinde alǵan jaraqattan, shaıqalý, jaraqattaný, aýrý saldarynan qaıtys bolǵan nemese qaıtys bolǵan áskerı qyzmetshilerdiń ata-analary men úılenbegen jubaılary, 100 myń teńge (29 adamǵa 2,9 mln. teńge);
- eńbek maıdanynyń qatysýshylary (ekinshi dúnıejúzilik soǵys kezinde tylda jumys istegen), onyń ishinde KSRO medaldarymen jáne ordenderimen marapattalǵandar, sonymen qatar marapattalmaǵandar árqaısysy 50 myń teńgeden(12 myń adamǵa shamamen 600 mln. teńge).
- Uly Otan soǵysynyń qaıtys bolǵan múgedeginiń jubaıy (zaıyby) nemese Ekinshi dúnıejúzilik soǵysqa qatysqan múgedekterge, ekinshi dúnıejúzilik soǵystyń qaıtys bolǵan qatysýshysyna, partızanǵa, jer asty jumysshysyna, azamatqa jeńildikteri boıynsha teńestirilgen adamnyń jalpy aýrýdyń, eńbek jaraqattarynyń jáne basqa sebepterdiń saldarynan múgedek dep tanylǵan «Lenıngradty qorǵaǵany úshin» medalimen nemese «Lenıngrad qorshaýynyń turǵyny» tósbelgisimen marapattalǵandarǵa (zańsyzdardy qospaǵanda) 50 myń teńgeden(590 adamǵa shamamen 29 mln. teńge).
"Adyrna" ulttyq portaly
(foto ashyq derekkózden)
