Álemdegi jasandy ıntelleket tehnologııasy qaryshtap damyǵan saıyn adamdardyń sanasynda da, rýhynda da álsizdik pen toqyraýshylyq artyp bara jatyr dep alańdap otyr ǵalymdar. Bul rasynda shyndyq.
Bárimizdi áleýmettik jeli men tehnologııaǵa baılap, tabıǵı arnadan jasandy arnaǵa toǵytyp jatqany aqıqat. Al, álemniń nobel syılyǵyn alǵan ǵalymdary da osyǵan alańdap, bolashaqta robottar álemdi basqaryp ketýi múmkin dep otyr. Osydan biraz ýaqyt buryn ǵana ǵalymdar Japonııany 2050 jyly robottar tolyq basqarýyna alady dep málimdegen.
Túbi ızraıldik, amerıkalyq psıholog, nobel syılyǵynyń laýreaty Danıel Kaneman jasandy ıntellekt aldaǵy az ǵana merzimde adam balasyn jeńip, ózine baǵyndyrady dep boljap otyr. Adamdardyń robototehnıkalar men avtomattandyrylǵan álemge qarsy kúresi haos týdyryp, úlken aýyrtpalyqtarǵa alyp kelýi múmkin dep otyr.
Danıel Kaneman bul úrdisterdiń aldaǵy ýaqytta kóp uzamaı-aq iske asatynyna tolyq senimdi. Pandemııanyń ózi adamzat balasynyń qandaı da bir ǵalamdyq tosqaýyldarǵa qarsy turýǵa qaýqarsyz ekenin kórsetti. Adamzattyń sanasy vırýstan soqqan haosqa jaýap bere almaı qaldy.
Al, qaryshtap damyp jatqan kompıýterlendirilgen álemniń aldaǵy ýaqyttaǵy haosy men zardaby vırýstan da joǵary bolýy múmkin dep otyr nobel syılyǵynyń ıegeri.
Bekbolat QARJAN,
"Adyrna" ulttyq portaly
