Ukraina prezidentı Vladimir Zelenskii Reseimen qaqtyǧysty aiaqtauǧa qatysty qarapaiym şeşımder qabyldanbaitynyn mälımdedı. Būl turaly ol Telegram-arnasynda jazdy, dep habarlaidy «Adyrna» tılşısı.
«Mäsele şeşım qabyldaudyŋ qiyndyǧynda emes. Men olardy qabyldauǧa niettımın. Eŋ bastysy, bärı ädıl ärı aşyq boluy tiıs. Ukrainadan jasyryn eşqandai kelısım jasalmauy kerek. Bızdıŋ elımız ben bolaşaǧymyz turaly Ukrainasyz eşteŋe şeşılmeuı tiıs»,-dedı Zelenskii.
Ukraina basşysy şekaraǧa qatysty mäselelerdı, Reseidıŋ mūzdatylǧan aktivterı men qauıpsızdık kepıldıkterın «eŋ sezımtal» ärı «eŋ kürdelı» taqyryptar dep atady. Ol Kievtıŋ AQŞ, Europa jäne basqa da serıktes elderden «quatty qauıpsızdık kepıldıkterın» kütetının atap öttı.
«Menıŋ oiymşa, osy üş mäsele — eŋ maŋyzdy jäne eŋ sezımtal taqyryptar. Bızdıŋ komandalar ärı qarai jūmysyn jalǧastyra beredı», — dep qosty Zelenskii.
Aituynşa, Kiev AQŞ-tyŋ qantögıstı toqtatu qajettıgı jönındegı mälımdemelerımen tolyq kelısedı.
«Bız soǧysty aiaqtauǧa daiynbyz. Bıraq ony Resei bır jyldan keiın qaita basyp kırmeitındei etıp aiaqtauymyz kerek. Olar Ukrainaǧa şabuyl jasau maqsatyna jete almady. Bıraq olardyŋ nietı özgerdı dep senımdı türde aita almaimyn. Olar tek keiınge qaluy mümkın. Sondyqtan bızge qorǧau qajet», – dep jazdy Zelenskii.
