Almaty oblysynda tuys aǧasy 8 jastaǧy qyzdy zorlap kelgen. Būl turaly Facebook jelısınıŋ qoldanuşysy Andrei Andreev aityp berdı, dep habarlaidy "Adyrna" ūlttyq portaly Stan.kz aqparat agenttıgıne sılteme jasap.
Sözınşe, qyzdyŋ ata-anasy ajyrasyp ketken. Alǧaşynda ol elordada äkesımen jäne aǧasymen tūrǧan, bıraq keiınnen Almaty oblysyna anasynyŋ qolyna köşıp barypty.
"Qyz bala tuystarynyŋ üiınde qalǧysy kelıp jürgen. Anasynyŋ üiıne qaitqysy kelmegen. Alǧaşynda ol eşnärse aitpaly, alaida keiınnen oqiǧanyŋ büge-şügesıne deiın jasyrmai jetkızgen", - dep jazady Andrei Andreev.Qyzdyŋ aituynşa, anasy qydyryp ketkende, qyzyn äpkesınıŋ üiınde qaldyratyn körınedı. Osy kezde ony jasy ülken bölesı zorlaǧan. Eŋ soraqysy, būl turaly jäbırlenuşınıŋ anasy bılgen. Qazır polisiiaǧa aryz berılıptı, mūny estıgen qyzdyŋ äkesı astanadan kelgen. Al zorlanǧan qyzdyŋ anasy özıne jäne tuys ınısıne advokat jaldap ülgerıptı. Jelı qoldanuşysy Qarasai audandyq ışkı ıster bölımınıŋ tergeuşısı uaqyt sozyp, ıstı jürgızuge qūlqy joq ekenın atap öttı. Onyŋ sözınşe, qyz oqityn mekteptıŋ direktor orynbasary ötkendı qazbalau dūrys emes dep aitypty.
"Qarasai audandyq polisiia basqarmasynda jäbırlenuşı N. aryzy boiynşa, 2006 jylǧy naǧaşy tuysyna qatysty zorlyq äreketterın oryndaǧany üşın qylmystyq ıs qozǧaldy", - dedı Almaty oblysy PD-nıŋ basşysy Serık Küdebaev.Qazırgı taŋda tiıstı saraptamalar taǧaiyndalǧan, kuägerlerden jauap alynuda. Sonyŋ nätijesı boiynşa sot aldy qorytyndysy şyǧarylady.
Ūqsas jaŋalyqtar
