Almaty áýejaıy 13 qańtardan bastap jumysyn jalǵastyrady. Bul týraly QR IIM TQK baspasóz qyzmeti habarlady.
"2022 jyldyń 13 qańtarynan bastap Almaty halyqaralyq áýejaıy jumysyn qaıta bastaıdy. Áýejaı basshylyǵynyń aldyn ala málimeti boıynsha ishki jáne halyqaralyq reıster áýe kompanııasynyń ushý kestesiniń ýaqytyna sáıkes saǵat 8.00-den 21.00-ge deıin oryndalady", - dep habarlaıdy baspasóz qyzmeti.
Almaty áýejaıynyń baspasóz qyzmeti áýe aılaǵy 2022 jyldyń 13 qańtarynan bastap saǵat 00.00-de jumysyn jalǵastyratynyn habarlady.
"Almaty qalasynda komendanttyq saǵattyń engizilýine baılanysty áýejaı saǵat 08.00-den 21.00-ge deıin jumys isteıdi. Ishki reıster de, halyqaralyq reıster de oryndalady. Qaýipsizdikti qamtamasyz etý maqsatynda termınalǵa tek jolaýshylar ǵana kire alady", - delingen habarlamada.
Eske sala keteıik, 6 qańtarda Almaty áýejaıy basyp alynyp, nátıjesinde bes ushaq qaraqshylardyń qolynda bolǵan edi. Keıin qalanyń áýe aılaǵy bosatyldy, biraq áýejaıdyń jumysy áýeli 9 qańtarǵa deıin ýaqytsha, keıinirek belgisiz merzimge toqtatyldy. Qańtardyń 11-i kúni Almaty ákimi qala áýejaıyndaǵy barlyq tehnıkanyń retke keltirilip, jumysqa daıyn ekenin aıtty.
Almaty áýejaıyna kelýge tıis reısterdiń kópshiligin Nur-Sultan men Shymkent áýe aılaqtary qabyldady.
"Adyrna" ulttyq portaly
