Parlament Májilisiniń tóraǵasy Nurlan Zaırollaulyna!
Bizdiń sizge habarlasyp otyrǵan sebebimiz - ol bizdiń Qyzylorda oblysynyń ákiminen, oblystyq densaýlyq saqtaý uıymynan, Densaýlyq saqtaý mınıstrinen kúder úzgennen keıin tikeleı Sizge shyǵyp ózińizden jáne Parlamentten kómek surap otyrmyz. Májiliste medıınaǵa baılanysty kótergen máselelerińiz, talaptaryńyz, syndaryńyz oryndy, ózekti shyǵar, biraq osy saladaǵy ózgerister alys turǵyndarǵa jetpeıdi.
Biz endi Májiliske ǵana úmittenemiz, halyqty oılaıtyn bireý bolsa ol tek sizder dep senemiz. Osy júrekjardy ótinishimizdiń negizgi sebebi ekologııasy nashar radıaııalyq aımaqqa jatatyn Baıqonyr, Tóretam, Aqaı halqynyń Baıqonyr aýrýhanasynda bolyp jatqan keleńsiz jaǵdaılarǵa baılanysty jan aıqaıy. Baıqonyr aýrýhanasynda bolyp jatqan bylyqtardy "Adyrna" ulttyq portalynda 05.03.2021j,17.03.2021j,01.04, 2021j kóterdik. Prezıdentke, Prezıdent ákimshiligine osy jaǵdaılardy aıtyp hat jazdyq. Biraq ta joǵarydan: sizderdiń kótergen máselerińizdi oblystyń apparatyna jiberdik dep jaýap keledi. Al oblys ony Qarmaqshy aýdanyna jiberdik deıdi (Baıqonyr sol aýdanǵa qarasty). Sonda oblys sheshpegen máseleni aýdan qalaı sheshedi?
Memlekettik qyzmet isteri jáne sybaılas jemqorlyqqa qarsy is- qımyl agenttiginiń tóraǵasy Alık Shpekbaevqa, Densaýlyq saqtaý mınıstiri Alekseı oıǵa BAQ arqyly ashyq hat jazdyq. Jaýap, áreket joq. Aýyldaǵy Halyqtyń muń muqtajy olarǵa kerek emes. Osy ýaqytqa deıin aýrýhanaǵa bir tekserý kelgen joq. Dálirek aıtsaq, ol biz turatyn Baıqońyr qalalyq aýrýhanasynyń jaǵdaıyn múshkil halge jetkizgen bas dáriger Ádilhan Jandostyń óktemshil-soraqy, kórgensiz is áreketi.
Ekologııalyq kesapattan aýrý-naýqas bolǵan qala turǵyndaryn, aýrýhana qyzmetkerlerin bas dárigerdiń tákapparlyq, ıaǵnı etıkaǵa jat, jıirkenishti tirligi men keleńsiz bylyqtary ábden sharshatty. Sybaılastyq negizde óziniń aıtqanyn buljytpaı oryndaıtyn birge bólisetin qyzmetkerlerge týǵan baldyzy, bas ekonomıst Faızýllaev Nýrlan arqyly kartochkalardy kelisim boıynsha mólsherden tys artyq jiberedi degen sybys bar. Biraq ol bizge qupııa, tekseretin, anyǵyna jetetin mekeme joq. Halyq arasynda aıtylyp jýrgen: Bas dariger medbıkeni jumysqa alý ýshin 700 myń teńge para alady degen sózderi ras ekenine sene bastadym. Men Daýtov Bazarbaı Sydykovıch, bas dárigerdiń sharýashylyq jumysy jóninde orynbasary bolyp jumys isteımin. Joǵaryda aıtylǵandaı, maǵan da eger ornyńda qalǵyń kelse, 1 mıllıon alyp kelesiń dep talap qoıdy. Meniń ornyma sol aqshasyn beretin adam daıyn tur eken. Ol Ishki ister mekemesinen eńbek erejeleri boıynsha jat qylyqpenen jumystan shektelgen J Kúzembaev qazir ishki qaýipsizdik mamany. Men aqsha bermegen soń qýdalaý bastaldy, aılyǵymdy eki ese qysqartty, jumysymnan ártúrli syltaýlar izdep, Reseı polıııasyna berip, is qozǵap neshe túrli áreketter jasap jatyr. Men óz jumysymdy tııanyqty joǵarǵy deńgeıde isteımin, quqyǵymdy da bilemin. Sondyqtan meni jumystan shyǵarý úshin negiz tappaı, óziniń qasynda júrgen UQT -qa tapsyrma berip qysym kórsetip jatyr.
Osyǵan uqsas jáne basqa da bylyq jaǵdaılar óte kóp. Bári úndemeıdi, qorqady. Biraq shydamnyń da shegi bolady. Men Alladan ǵana qorqam, bas dárigerden qoryqpaımyn, sondyqtan shyndyqty aıtyp jatyrmyn. Joǵarydaǵy aıtylǵan jańdaıarǵa Qudaı kýá.
Taǵy osyǵan uıqas jaǵdaı - ol J.Ádilhan kadr bóliminiń ınspektory Darmenkulov Aıbolatty eńbek shartyna falsıfıkaııa jasap jumystan alyp tastaýy. Óz jumysyn jaqsy biletin zańger, bilikti maman, biraq podhalım emes jáne bas dárigerdiń adamy bolmaǵandyqtan, ornyna óziniń adamyn qoıý ýshin zańdy belden basyp, jumystan shyǵaryp otyr. Eńbek shartyndaǵy belgilenbegen mezgildi, belgilenbegen mezgilge aýystyryp, ıaǵnı astyn dóreki syzyp eńbek shartynyń aıaqtalý kúnin 01.04.2021j dep ( ol merzim buryn jazylmaǵan) ózge adamnyń qolymen jáne basqa qalamsappen toltyrǵan. Darmenqulovtan kadr bólimindegi sharttyń danasy joǵalyp qalypty dep aldap suratyp alyp eki danasyna da ózgertý engizgizip, kadr bóliminiń arnaýly jeke ister saqtalatyn kabınetine qoıǵan. Ózgertýler óreskel kózge anyq kórinip tur. Ekspertıza ony ońaı anyqtaıdy. Sot bolatynyna kúmánimiz joq. Tań qalatynymyz - nege J.Ádilhan osyndaı qarapaıym jerden súrindi, zań buzýǵa bardy, shynymen aqsha úshin ba? Álde onyń bolmysy sondaı qylmysqa jaqyn ba?
Sonymen Daýrenbekovty 2021 jyldyń 13 sáýirinde joǵarydaǵy falsıfıkaııa jasalǵan shartty negiz qylyp, N326j/q buıryqpen eńbek shartynyń merziminiń aıaqtalýyna baılanysty jumystan bosatty. Daýrenbekov jumystan bosatý jónindegi buıryqpen kelispeıtini týraly jazyp bergen. Osy zań buzý faktilerine baılanysty Oblystyq densaýlyq saqtaý basqarmasyna aryz túsirildi, biraq jaýap joq. Jaýapty alyp, onyń oń sheshiletinine kúmánimiz bar. Sebebi oblystyq densaýlyq saqtaý basqarmasynyń basshysy S. Pazılov myrza 9 sáýirde Baıqonyrǵa kelip, aýrýhanada bylyqtyń kóp ekenine kózi jetip, bas dárigerdi ornynan alatyn bolyp ketken. Biraq J Ádilhannyń aıtqany bar, men ol Pazılovqa pysqyrmaımyn da dep, oǵan da bir sebep bar shyǵar. Eń qyzyqtysy, Pazılovtyń aýrýhananyń, bas dárigerdiń kemshilikteri týraly qyzmetkerlermen talqylaǵan jeke áńgimesin J.Ádilhan qupııa agentteri arqyly jazyp alǵany jáne sol aıtylǵan áńgimeni Pazılovqa jibergeni tań qaldyrady. Bul shantaj ba, qorqytý ma, óktemdigin kórsetý me, álde taǵy da bir nárse me, túsinbeı qaldyq. Sodan keıin Pazılov habar osharsyz ketti. Bas dárigerdiń qolynan neshe túrli nárse keledi. Ol sondaı ıntrıgaǵa jaqyn adam.
Bizdiń túsinigimizde J.Ádilhan S. Pazılovtyń betine túkirdi - sóz joq naǵyz batyr! Taǵy da bir aıtatyn másele - aýrýhana uıymynyń shartynda kórsetilgen eńbek demalysyn berý ýaqytynda bir oklad ekologııalyq, bir oklad materıaldyq kómek kórsetiletini týraly jazylǵan. Ol sharttar oryndalmaıdy, materıaldyq kómek berilmeıdi ol aqsha qaıda? Sonymen qatar J.Ádilhan qosymsha stavkalardy baldyzymen birge oıynshyqqa aınaldyrǵan. Kóńili qalaǵan qyzmetkerge 0.25, 0.5 qosymsha stavkalaryn beredi de, aıdyń sońynda tabel tapsyrar kezinde unamaǵandardan alyp tastaıdy. Atap aıtqanda, óte tájirıbeli dáriger R.K. Esmaǵambetovanyń ózine berilgen 0.25 stavkasyn J.Ádilhannyń birese alyp, birese berip, oıynshyqqa aınaldyrǵany - jaqsy mamannyń jumystan ketýine sebep boldy. J.Ádilhan óziniń jaqyndaryna qosymsha 0.5 stavkalaryn taǵaıyndaıdy. Olarmen eńbek sharty jasalmaıdy, jumys ýaqyty belgilenbeıdi. Sebebi J.Ádilhanmen tıym salynǵan. Onyń jaqyndary 8-saǵat jumys istep, 12 saǵattyń jalaqysy alady. Múmkin bóliser, kim biledi.
2020 jyldyń aıaǵynda premııa beremiz, soǵan 20 mıllıon teńge bar dep qyzmetkerlerdi úmittendirdi. Biraq premııa berilmedi. Uzynqulaqtardan estidik, ózderi bólip alypty dep, ony tekserip jatqan eshkim joq. Hırýrgııa bóliminde kosmetologııalyq operaııalar jasalyp jatyr. Ol operaııalar FOMS-qa kirmeıdi. Tek qana aqyly, odan túsken aqsha qaı kisiniń qaltasynan túsip jatyr? Masqara bolǵanda aýrýhananyń ondaı operaııa jasaýǵa lıenzııasy joq. Eger asqyný bolsa, asqyný bolmaýyna eshkim kepil bere almaıdy, oǵan kim jaýap beredi? Kemistikterdi aıtsań nemese daý shyǵarsań boldy, áıteýir Reseıdiń polıııasyn paıdalanyp ústińnen oıdan shyǵarylǵan is qozǵaıdy. Bizdi qorǵaıdy ma desek kerisinshe bóten memlekettiń toqpaǵyna jyǵyp berip otyr. Osylaı fashıstik, alaıaq, sotqarlyq rejımmen aýrýhanany basqaryp otyr. Osylaı jalǵasa berse aýrýhana túrmege aınalaýy da múmkin.
J.Ádilhanǵa áı deıtin aja joq, qoı deıtin kóke joq, 2-3 jyldyń ishinde bilgenin istep jatyr. Eshkimnen qoryqpaıdy. Ne sebepti deısizder ǵoı? Oǵan dálel - Ádilhan Jandostyń halyq arasynda aıtqan sózin Baıqońyr turǵyndary óz qulaqtarymen estigen. Ol mynadaı sózder: "Men Mahanov Turǵanbaı degen bedeldi kókeme qomaqty qarjy berip oblys ákimine kirgizdim, sol ýshin maǵan eshkim tıise almaıdy jáne tisi batpaıdy".Bul aıtqan sózderiniń negizi bar sııaqty. Óıtkeni "qomaqty" aqshany qaıdan tapty? Túsinip otyrǵan shyǵarsyzda, menen suraǵan nemese basqalar bergen, ekonomıstpen birge únemdegen, nemese premııadan únemdegen mıllıondar ma? Álde Baıqonyrdan qazyna tapty ma eken? Ol da múmkin. Eń qyzyqtysy - etıka saqtamaǵan bas dárigerdiń osy sózi BAQ arqyly jáne hat habarlamada Oblystyń ákimine jetkizildi. Ákim úndemeıdi, bas dárigerden túsinikteme almaıdy, shara qoldanbaıdy, tym tyrys. Osydan keıin neshe túrli oı keledi! Shyn osyndaı ma eken dep! Bilesizder, shóptiń basy jel turmasa qımyldamaıdy. Al bizdiń Baıqonyrdyń aýrýhanasynda daýyl soǵyp tur. Bizdiń kótergen másálemiz jaı ǵana aısbergtiń tóbeshigi. Eger de ádil kompleksti ásirese fınans jaǵynan tekserý kelse, qylmystyq is qozǵalatynyna kúmánimiz joq. Bizge bas dárigerdiń jumysynan ketkeni az, ol oziniń jasaǵan bylyqtaryna zań aldynda jaýap berýi kerek.
Qurmetti Nurlan Zaırollauly!
Bizdiń úmitimiz tek sizde ǵana!
Baıqońyr aýrýhanasynda bolyp jatqan keleńsiz jaǵdaıǵa kóńil aýdarýyńyzdy suraımyz.
Sizdiń shyn kóz qarasyńyz jáne ádil, batyl sheshimińiz kerek bolyp tur.
Qurmetpen, Daýtov B, Daýrenbekov A, Býhaev B jáne taǵy basqa qyzmetkerler!
Baılanys telefony:
87022683757
"Adyrna" ulttyq portaly
(Avtorlardyń kózqarasy redakııanyń kózqarasyn bildirmeıdi. Eger de qarsy taraptyń pikiri týyndasa, ony da jarııalaýǵa daıynbyz!)
