Men Vladıslavty orystildi máńgúrtterdiń 1000-nan da artyq qoıamyn. Sebebi, orystildi "kazah" máńgúrtter ómirde qazaq tiliniń bar ekenin de habary joq sııaqty. Qazaq qoǵamy úshin olar joqqa esep.
Vladıslavpen júzbe júz eki ret sóıleskenmin. Qazaq tilin oqytý aýdıtorııasyn da kórgenmin. Vladtyń qazaq tilin damytýǵa qosyp jatqan úlesi bizdiń ózimizdiń ortadaǵy qazaqtarymyzdan da artyq. Feısbýkte qaqyldaǵannan asa almaǵan biz qazaq tili úshin ne istep otyrmyz... Klýb ashyp, qazaqtyń tilin oqytyp, nasıhattap, tipti qazaqtyń ózi bilmeıtin qazaqtyń keıbir sózderine taldaý jasap, qazaqtyń ózine úıretip júredi. Meniń ishim ashıtyny, keıbir noqalaılar Vladqa shabýyl jasaıdy. Olardyń ózi taǵy qazaq. Sol noqalaılar Vladtyń qazaq tiline sińirip júrgen eńbegin sezine de almaıdy, baǵalaı da almaıdy. Qazaqtyń tiline úles qosar bolsań, Vladtaı úles qosa bil artqa tartynshaqtaı bermeı. Men úshin Vlad taza qazaq, qazaq tiliniń janashyry!
Jalǵan patrıottyqty doǵarmaı, isimiz alǵa baspaıdy!
Bekbolat QARJAN,
"Adyrna" ulttyq portaly
