Mine, kóp jaıdyń betiniń ashylǵanyn osyndan bile berýge bolady.
12 marym kúni Reseıdiń syrtqy ister mınıstriniń orynbasary Mıhaıl Bogdanov "Hamas" ıslamdyq terrorlyq uıymynyń saıaı bıýrosynyń tóraǵasy Musa Ábý-Marzuqpen sóılesti. Reseıdiń syrtqy ister mınıstrliginiń resmı saıtynda Reseıdiń Palestınalyq terrorlyq uıymdy qoldaıtyny resmı aıtyldy.
"Hamas" ıslamdyq terrorlyq uıymynyń saıaı bıýrosynyń tóraǵasy Musa Ábý-Marzuq Ál-Aqsadaǵy jaǵdaıǵa baılanysty "Eger de halyqaralyq qaýymdastyq Izraılge qysym jasaýdy bastasa, biz de soǵysty toqtatamyz" dep málimdedi.
Bunyń halyqaralyq qaýymdastyqtan Izraılge qysym jasaýyn surap otyrǵany túsiniksiz.
Reseıdiń syrtqy ister mınıstriniń orynbasary Sergeı Vershının Izraıldiń qazirgi Ierýssalımge qatysty tarıhı, demografııalyq, geografııalyq statýsyn qaıtaryp, zańsyzdyqqa núkte qoıǵany durys dedi, RIA Novostı portalynda.
Al, "Hezbolla" terrorlyq uıymy Irannyń jaǵynan ún qatyp, Palestınany qutqarýdyń jańa formatyn jasaǵaly otyr.
Izraıl men Palestına arasyndaǵy qaqtyǵystan 110-nan asa adam qaıtys boldy. 621 adam aýyr jaraqat alǵan. Keltirilgen málimetter boıynsha Izraıldiń 7 azamaty qaza tapqan. Qalǵan qaza tapqandardyń barlyǵy Palestınalyqtar. Izraıl tarapy Gaza sektoryn basyp alamyz dep bekingen sııaqty. Al, Palestınaǵa 300 mıllıon halyqty quraıtyn 21 arab memleketiniń bir de bireýi tym bolmasa sózben qoldaý jasaýǵa jaramaı tur.
Bekbolat QARJAN,
"Adyrna" ulttyq portaly
