Búgin «Nur Otan» partııasy Shymkent qalalyq fılıalynyń kezekti XLII esep berý-saılaý konferenııasy ótti. Is sharada Partııa fılıaly Saıası keńesi men baqylaý-tekserý komıssııasynyń 2019-2020 jyldary atqarǵan jumystary men aldaǵy kezeńge arnalǵan mindetteri aıtyldy. Búgingi konferenııa jumysy Zoom platformasynda onlaın túrde júrgizildi.
Konferenııany ashyp júrgizgen qala basshysy, partııanyń qalalyq fılıaly tóraǵasy M.Aıtenov qalada jetekshi partııanyń 35 myńǵa jýyq múshesi bar ekenin atap ótti. Partııa músheleri partııanyń negizgi kúshi bolyp tabylatyn 49 bastaýysh uıymdaryna toptasyp Elbasy tapsyrmalaryn óńirde qarqyndy júzege asyryp keletinin jetkizdi.
Jıynda «Nur Otan» partııasy qalalyq fılıaly tóraǵasynyń birinshi orynbasary Janar Bektaevanyń esebi tyńdaldy. Onyń aıtýynsha, esepti merzimde partııanyń «Ardagerlerdi ardaqtaıyq», «Kedergisiz keleshek», «Baqytty otbasy», «Jastar Otanǵa!», «Qutty meken», «Halyqqa kómek» jobalary boıynsha 151 524 adam qamtylyp 1342 is-shara ótkizilgen. Al partııa fılıaldarynyń qoǵamdyq qabyldaý bólmelerine qala turǵyndarynan 35 myńnan astam ótinish túsken bolsa, olardyń 22272 oń sheshimin tapqan.
Sondaı-aq, konferenııa barysynda «Nur Otan» partııasy Shymkent qalalyq fılıalynyń Saıası keńesi quramyna ózgerister men tolyqtyrýlar engizilip, partııa fılıalynyń baqylaý-tekserý komıssııasy saılandy.
Konferenııa jumysyn qorytyndylaǵan qala ákimi, «Nur Otan» partııasy Shymkent qalalyq fılıalynyń tóraǵasy Murat Áıtenov halyqpen birlesken jumysty kúsheıtý maqsatynda partııa aktıvine naqty tapsyrmalar júktedi.
Shymkent qalasy ákimdiginiń baspasóz qyzmeti
