Qazaqstandaǵy Jeńis kúnin saltanatty túrde atap ótýdi kelesi jylǵa aýystyrý týraly sheshim qabyldandy, dep Qazaqstan Respýblıkasy Prezıdentiniń baspasóz hatshysy Berik Ýálı málimdedi , dep habarlaıdy "Adyrna" ulttyq portaly.
"Aýyr epıdemıologııalyq jaǵdaıǵa baılanysty Jeńis kúnine oraı dástúrli merekelerdi kelesi jylǵa aýystyrý týraly sheshim qabyldandy. Prezıdent otandastaryna quttyqtaý sózin joldaıdy. Qazaqstan Uly Otan soǵysynyń ardagerleri men tyl eńbekkerlerin eske alady", dedi ol óziniń Facebook paraqshasynda.
Ol sondaı-aq Uly Jeńis kúni merekesine baılanysty soǵys ardagerlerine Memleket basshysynyń buıryǵymen materıaldyq kómek kórsetilgenin atap ótti.
"Adyrna" ulttyq portaly
