Búgin Otan qorǵaýshylar kúni. Memlekettiń tutastyǵy men tynyshtyǵyn kúzetý, el shekarasyn qorǵaý qashanda basty mindet. Qazaqstan qarýly kúshterin modernızaııalaý jáne modıfıkaııalaý boıynsha jumystardy atqaryp keledi. Bul turǵydan otandyq qarý túrlerin shyǵarýdy da qolǵa alýdamyz. Sonymen Qazaqstanda qandaı qarý túrleri óndiriledi?
Arlan - brondy áskerı kóligi. Kólik OAR-men birlese otyryp, "Paramount Group" kompanııasy negizinde jasalýda. Kólikti túrli maqsatta qoldanýǵa bolady. Áskerılerdi tasymaldaý, barlaý júrgizý, baqylaý jasaý, urys jaǵdaıynda qoldaný. "Arlan" mınaǵa qarsy brondyq jabyndymen qorǵalǵan, sondyqtan da senimdi. Saǵatyna 120 shaqyrymmen júıtkıtin bul kóliktiń ústine pýlemet ornalastyrýǵa bolady. Arnaıy operaııalar júrgizýge yńǵaıly.
Naıza - "Israel Military Industries" kompanııasymen birlese otyryp shyǵarylǵan zymyran kesheni. 2007 jyly jasalyp, 2008 jyly qoldanysqa berildi. Qazirgi ýaqytta Qazaqstanda 18 danasy bar. Zymyran kesheni 80 shaqyrymdaǵy nysanany joıyp jiberýge qaýqarly. Birneshe zymyran túrin qoldanýǵa múmkindik beretin artyqshylyqtarǵa ıe.
Aıbat - mınomet. 120-mm mınomet 2007 jyly Izraıldiń "Soltam" kompanııasymen birlesip jasalǵan. Mınomet mınýtyna 16 márte atý qabiletine ıe jáne 9 shaqyrymdaǵy nysandy joıa alady.
Semser - ózdiginen júretin artıllerııalyq qondyrǵysy. 2007 jyly Izraıldiń "Soltam" kompanııasymen birlesip jasaǵan otandyq artıllerııa qondyrǵysy bolyp tabylady. Mınýtyna 6 márte soqqy jasaı alady. 16 shaqyrymdaǵy nysanagy joıý qabiletine ıe. Qazirgi ýaqytta Qazaqstan qarýly kúshterinde 20 "Semser" bar.
Barys - brondy áskerı tehnıkasy. 2A42 30-mm avtomatty atý zeńbiregi ornalasqan. Syrtqy brondyq qorǵanysy óte berik, al ishki tusy urys júrgizýge yńǵaıly etip jasalǵan. Barys "Kazakhstan Paramount Engineering" kompanııasynyń ónimi.
Ashat QASENǴALI
"Adyrna" ulttyq portaly
