QR Aqparat jäne qoǧamdyq damu ministrı Aida Balaeva «Egemen Qazaqstan» men «Kazahstanskaia pravda» gazetterı bırıktırılıp, derbes «Egemen Qazaqstan» aksionerlık qoǧam retınde qūrylǧany turaly jaŋalyqty bölıstı. Būl turaly ministr Facebook jelısınde jazdy, dep habarlaidy «Adyrna» ūlttyq portaly.
«Bügın otandyq aqparat salasynda taǧy bır ülken jaŋalyq oryn alyp otyr. Elımızdıŋ eŋ basty basylymdary – «Egemen Qazaqstan» men «Kazahstanskaia pravda» gazetterı bırıktırılıp, derbes «Egemen Qazaqstan» aksionerlık qoǧam retınde qūryldy. Onyŋ Basqarma töraǧasy lauazymyna – elımızge belgılı ziialy azamat Darhan Quandyqūly Qydyrälını taǧaiyndadym», – dep jazdy Balaeva.Ministr qos gazettıŋ bırıktırıluın otandyq medianyŋ damu baǧytyndaǧy kezektı maŋyzdy qadam dep sanaityndyǧyn da aityp öttı.
«Ötken ǧasyrdyŋ basynda bır-bırıne qanattasa, bırınen soŋ bır jaryq körgen jüz jyldyq jylnamasy bar qos gazet – halyqqa aqpar jetkızude özderıne jüktelgen mındettı abyroimen atqara bıldı. Dese de, bügıngıdei aqparattyq tehnologiia qaryştap damyǧan internet däuırınde dästürlı baspasözdı zaman köşıne sai jaŋǧyrtyp otyru – uaqyt talaby. Sondyqtan Ükımettıŋ Qaulysymen qabyldanǧan būl özgerıs otandyq medianyŋ damu baǧytyndaǧy kezektı maŋyzdy qadam dep sanaimyn», – dedı ol.Sonymen qatar ministr ekı gazettı bırıktıru – onyŋ bıreuı öz jūmysyn toqtatady degendı bıldırmeitındıgın tılge tiek ettı. «Kazahstankaia pravda» gazetı özınıŋ qalyptasqan brendtık atauyn saqtaityn bolady. Sondai-aq basylymdy memlekettık aqparat tapsyrysy aiasynda qarjylyq qoldau jalǧasa bermek. Eŋ bastysy būl jurnalisterdıŋ şyǧarmaşylyǧyna eşqandai kedergısın keltırmeidı eken.
«Qaita bır ortalyqqa bırıkken qos basylymnyŋ eldı aqparattyq-ideologiialyq tūrǧydan qamtu aiasy bırızdenıp, oqyrman aldyndaǧy tartymdylyǧy men sapaly kontent ūsynu äleuetı odan ary artady dep oilaimyn. Bırıktıru barysynda tek äkımşılık-şaruaşylyq resurstar qysqarady. Bırınşı kezekte ärine qarjy ünemdeledı. Būl öz kezegınde, şyǧarmaşylyq ūjymnyŋ tabysyn arttyryp, sapalyq qūramyn küşeituge tyŋ mümkındık bolmaq. Eŋ bastysy, respublikalyq bas basylymdardyŋ mazmūn-kontentı jaŋa sapaǧa köterılıp, bäsekege qabıletı küşeie tüsedı dep sanaimyn», - dep jazdy ministr.
"Adyrna" ūlttyq portaly
Ūqsas jaŋalyqtar
