Búgin Túrkııanyń Ystanbul qalasynda Dımash Qudaıbergenniń When I’ve got you atty jańa týyndysyna arnalǵan beınebaıannyń tusaý keser rásimi boldy. Bul týraly dimashnews saıty jarııalady, dep habarlaıdy “Adyrna” ulttyq portaly.
Beınebaıan ıdeıasynyń avtorlary – Dımash Qudaıbergen men klıptiń rejısseri Ǵalym Asylov.
Rejısser men jobanyń ekinshi rejısseri ári jelilik prodıýseri Jánibek Ǵusmanovtyń aıtýynsha, klıp Almatyda túsirildi. Beınebaıanǵa Qytaıdan kelgen 70-ten astam maman shyǵarmashylyq topta jumys istedi. Dál sol jerde bas keıipkerdiń kostıými tigilip, ánshiniń búkil obrazy jasaldy.
«Kastıng ońaı bolǵan joq. Basty keıipkerdiń róline kóptegen aktrısalar men modelder óz baqtaryn synady. Ejelgi antıkalyq mádenıetti izdeý ońaı bolmady. Sol sebepti, beınejazba úsh jer túsirildi», – dedi Ǵalym Asylov.
