Şymkent qalasynyŋ äkımı Mūrat Äitenov qaladaǧy bırqatar auruhanalardy aralap, jai-küiımen tanysty. Aldymen Asar şaǧyn audanynda ornalasqan qalalyq klinikalyq balalar auruhanasyna bardy.
Medisinalyq mekeme epidemiialogiialyq jaǧdai uşyqsa 18 jasqa deiıngı balalardy qabyldauǧa daiyn. Būl üşın auruhanada 60 tösek orynǧa daiyndalǧan jūqpaly aurular bölımşesı aşyldy. İnfeksiiaǧa şaldyqqan balalardy emdeu üşın auruhanada medisina mamandary jetkılıktı. Sondai-aq emdeu mekemesı zamanaui tehnikalyq qūrylǧylarmen jabdyqtalǧan.
İnfeksiialyq auruǧa şaldyqqan balalardy auruhanada qabyldau üşın arnaiy jospar daiyndalǧan. Mūndai nauqas balalar bölek bokstarda qabyldanyp, emdeu şaralary tiıstı tärtıppen jürgızıledı.
Aita keteiık «Asar» şaǧyn audanyndaǧy balalar auruhanasynda byltyr köpbeiındı provizorlyq ortalyq aşylǧan bolatyn. Mūnda infeksiiaǧa şaldyqqan 100-den asa bala dertınen sauyǧyp şyqty.
Şahar basşysy keiınnen Nūrsattaǧy perinataldyq ortalyqty aralady.
Şymkent qalasyndaǧy perinataldyq ortalyq koronaviruske şaldyqqan jüktı äielderdı qabyldaidy. Būl üşın ortalyqta 30 orynǧa laiyqtalǧan provizorlyq bölımşe aşyldy.
Auru örşıgen jaǧdaida mūndaǧy därıgerler infeksiiaǧa şaldyqqan jüktı äielderdı qabyldap, medisinalyq kömek körsetetın bolady. Ortalyqtaǧy provizorlyq bölımşe 100 paiyz ottegı nüktesı men İVL apparattarymen jabdyqtalǧan.
Koronaviruske şaldyqqan jüktı äielderdı emdeu üşın ortalyqtaǧy 200-den asa medisina mamany arnaiy oqytudan ötıp, bılıktılıgın arttyrdy. Ortalyqtaǧy qabyldau bölımınıŋ mamandary epidemiiaǧa bailanysty nauqastardy taza jäne las aimaqtar boiynşa qabyldap, arnaiy tärtıppen medisinalyq kömek körsetedı.
Qala äkımı ötken jyldaǧy qatelıkterdı boldyrmau üşın barynşa daiyndyqty küşeite tüsu kerektıgı jönınde sala basşysyna tapsyrma berdı.
"Medisina salasy qatelıktı keşırmeitın, adam ömırımen tıkelei bailanysty sala. Sondyqtan auruhanalar men emhanalardaǧy ärbır jaǧdai qataŋ baqylauǧa alynsyn" dedı Mūrat Äitenov.
Şymkent qalasy äkımdıgınıŋ baspasöz qyzmetı
