Jerkomnyŋ halyqty alaŋdatqan jer taǧdyry mäselesıne tükpılıktı nükte qoia almai, taǧy da 5 jyl jerge qatysty moratorii jariialanuyn bızdıŋ jeŋısımız dep sanaǧan Mūhtar Taijanmen kelıspeimın. Sebebı, senatta qazır Orman şaruaşylyǧy sanatyna qatysty jerlerge arnalǧan zaŋ jobasy talqyǧa tüsıp jatyr. Tıptı orman şaruaşalyǧyna arnalǧan sanattaǧy jerlerdı de auyl şaruaşylyǧy jerlerınıŋ qataryna kırgızuge bolady.
Jerkomda auylşaruaşylyǧy jerlerın Qazaqstan azamattaryna satu nemese jeke menşıkke beru jaiy talqylandy. Basqa da jer sanattary keŋ masştabta talqylanbady. Negızı Jerkomnyŋ basty maqsaty men jūmysy - Qazaqstannyŋ qai sanattaǧy jerı bolsa da şeteldıkter men Qazaqstannyŋ azamattaryna satylmaidy jäne jeke menşıkke berılmeidı dep şeşım jasap, parlamentke jıberu bolatyn edı. Ony jasamady. Jasai almaidy. Latifundister oǧan qazır mümkındık bermedı. Latifundister de aqymaq emes, olar da ışkı jäne syrtqy saiasatty mūqiiat qarap otyrǧan, qaltaly oligarhiialyq toptar. Halyqtyŋ būrq etıp köterıluınen olar da qorqypty. Sondyqtan ögızdı öltırıp almaudyŋ jolyn tapty.
Qazır bızdıŋ elde "bır ǧana adamnyŋ yqpaly" degen söz könergen siiaqty. Auylşaruaşylyǧy ministrın "jerdı satuǧa bolady" dep söiletıp otyrǧanynan latifundiianyŋ qanşalyqty yqpaldy ekenın aŋǧaruǧa bolady. Qazaqstandaǧy latifundiia öte jaqsy aqyldasypty.
Bır jaǧynan jerge taǧy da 5 jyl moratorii qoiǧany da jaqsy boldy. Qoǧamda, äsırese közı aşyq, jerdıŋ taǧdyry üşın alaŋdaǧan azamattardyŋ aqparattyq maidandaǧy daiyndyǧyna da mümkındık berıldı. Aldaǧy 5 jylda talai dünie pısıp jetıledı.
Jer satylmaidy nemese jeke menşıkke berılmeidı dep quanuǧa qazır bolmaidy. Moratorii taǧy da 5 jylǧa qoiyldy dep bosbelbeu boluǧa da bolmaidy. Qazır senatta Orman şaruaşylyǧy sanatyndaǧy jerlerge qatysty maqūldanbaǧan qūjattar qaralyp jatyr. Būl zaŋdy senatorlar qarap jatyr. Onda 48 baptyŋ 2-tarmaǧynda bylai delıngen:
«Sauda-sattyqtyŋ (konkurstardyŋ, auksiondardyŋ) jeŋımpazdaryna – şeteldıkter men azamattyǧy joq adamdarǧa auyl şaruaşylyǧy öndırısın, orman ösırudı, qosalqy auyl şaruaşylyǧyn jürgızu üşın jer uchaskelerı 25 jylǧa deiingı merzımmen jaldau şarttarymen uaqytşa jer paidalanuǧa berıledı». Osy jobanyŋ da ötıp ketpeuın qoǧam nazaryna azamattar salyp otyruy kerek.
Kördıŋız be!?
Ökınışke orai, bızdıŋ keibır deputattarymyz da osy zaŋ jobasynyŋ qandai negızde, qai sanattaǧy jerlerge zaŋ jobalary daiyndalyp, senatta qaralyp jatqanynan habary joq eken. «The Qazaq Times» portalynyŋ jurnalistterı Aidos Sarymnan sūqbat alǧanyn tegıs oqyp şyǧyp, ışım jylymai kettı. Ony Miiat Käşıbaidyŋ paraǧynan oqyp şyǧyŋyz.
Sözdıŋ toq eterı, prinsip emes, zaŋ kerek. "Jer şeteldıkterge de, Qazaqstan azamattaryna da satylmaidy jäne jeke menşıkke berılmeidı". Būl zaŋ qabyldanbai eşteŋe şeşımın tappaidy. Eger jer özımızdıŋ azamattarymyzǧa satylsa, onda būl memlekettıŋ täuelsızdıgı men ūlttyq qauıpsızdıkke tıkelei soqqy bolady. Osyny ūmytpaŋyzdar!
Mūhtar Taijannyŋ "bız jeŋıske jettık!" degenımen kelıspeimın. Sebebı, negızgı mäseleler şeşımın tapqan joq, bar bolǧany taǧy da 5 jylǧa moratorii jariialandy. Küres älı alda. Qasiettı Jer! Jer bızdıŋ eŋ basty qūndylyǧymyz! Būl sızdıŋ de, ūrpaǧyŋyzdyŋ da taǧdyry!
"Adyrna" ūlttyq portaly
