Eńbekshiqazaq aýdanynda koronavırýsqa qarsy ekpe salatyn 26 kabınet jumysyn bastady. Óńirde óz erkimen indetke tosqaýyl bolamyn, vakına saldyramyn degender sany artyp keledi.
Nátıjesinde, aýdan boıynsha 7 myńnan asa adamǵa ekpe salyndy. Bul kórsetkishtiń eselep ósetini anyq. Sońǵy kezde elimizde koronavırýstyq ınfekııamen aýyrǵandar kúrt ósti. Ásirese, Almatyǵa irgeles jatqan óńirlerde vırýs juqtyrǵandar kóbeıý ústinde.
Osyǵan baılanysty Eńbekshiqazaq aýdandyq koronavırýspen kúres jónindegi jedel shtabtyń jıyny ótken edi. Onda medıınalyq mekemelerdiń jaı-kúıi jáne dári-dármek qorynyń jetkilikti dárejede bolýy jan-jaqty aıtyldy. Sondaı-aq, karantındik sharalardyń saqtalýyna baqylaý júrgizetin monıtorıngtik toptardyń jumysy da talqylandy.
Jıynda aýdan ákimi Álibek Jaqanbaev uıymdastyrylǵan jumystarmen birge keıbir aýyldyq okrýg ákimderiniń indetpen kúreste tıisti dárejede belsendilik tanytpaı otyrǵandaryn synǵa aldy. Ásirese, qoǵamdyq tamaqtaný oryndary, saýda-sattyq núkteleri sııaqty halyq kóp shoǵyrlanatyn jerlerde karantın talaptary saqtalmaı jatqany atap kórsetti. Sonymen qatar aýdan ákimi bas dárigerge indet juqtyrǵan naýqastardyń emdelýin qatań baqylaýda ustaý keregin, eldi mekenderdegi mobıldik medıınalyq toptardyń jumysyn odan ary kúsheıtýdi mindettedi.
Aıta ketý kerek, jyl basynan beri aýdanda koronavırýs ınfekııasyna shaldyqqandardyń sany myńǵa jýyqtady. Ótken kúnderdiń birinde táýligine 28 naýqas aýrýhanaǵa túsken. Indetpen kúres toqtaýsyz júrip jatyr
